തെഹ്റാൻ: ഇസ്‌റാഈൽ പ്രധാനമന്ത്രി ബെഞ്ചമിൻ നെതന്യാഹുവിന്റെ ഓഫീസ് ആക്രമിച്ചതായി ഇറാൻ. ടെൽ അവീവിലെ ഓഫീസും ഹൈഫയിലെ സുരക്ഷാ, സൈനിക കേന്ദ്രങ്ങളും ലക്ഷ്യമിട്ട് ആക്രമണം നടത്തിയതായി ഇറാൻ അവകാശപ്പെട്ടു. ആക്രമണത്തിൽ ഖൈബാർ മിസൈലുകൾ ഉപയോഗിച്ചതായും ഇറാൻ അറിയിച്ചു.

ആക്രമണത്തിൽ ഇസ്‌റാഈൽ പ്രധാനമന്ത്രി ബെഞ്ചമിൻ നെതന്യാഹുവിന് അത്യാഹിതം സംഭവിച്ചെന്ന തരത്തിലുള്ള ഊഹാപോഹങ്ങളുണ്ട്. നെതന്യാഹുവിന്റെ സ്ഥിതി എന്താണെന്ന് ഇപ്പോൾ വ്യക്തമല്ലെന്ന് ഇറാൻ വിപ്ലവ സേന ഐആർജിസി പറഞ്ഞു. ആക്രമണത്തിൽ അദ്ദേഹത്തിന് പരിക്കേറ്റോ എന്ന കാര്യവും വ്യക്തമല്ല. സംഭവത്തിൽ ഇസ്‌റാഈൽ ഇതുവരെ പ്രതികരിച്ചിട്ടില്ല.

ALSO READ: ഇറാനില്‍ മരണം 550 കവിഞ്ഞു; ഇസ്‌റാഈലിന്റെ സ്‌കൂള്‍ ആക്രമണത്തില്‍ പൊലിഞ്ഞത് 180 പെണ്‍കുട്ടികള്‍| Israel, US Attack on Iran Live

"സയണിസ്റ്റ് ഭരണകൂടത്തിലെ ക്രിമിനൽ പ്രധാനമന്ത്രിയുടെ ഓഫീസും ഭരണകൂടത്തിന്റെ വ്യോമസേനാ കമാൻഡറുടെ ആസ്ഥാനവും ലക്ഷ്യമിട്ടു" ഗാർഡ്സ് ഫാർസ് വാർത്താ ഏജൻസി നടത്തിയ പ്രസ്താവനയിൽ പറഞ്ഞു. 

ഇറാനിൽ നിന്ന് വിക്ഷേപിക്കപ്പെട്ട പുതിയ മിസൈലുകൾ കണ്ടെത്തിയതായി ഇസ്‌റാഈൽ സൈന്യം നേരത്തെ പറഞ്ഞിരുന്നു. തിങ്കളാഴ്ച ജറുസലേമിന് മുകളിൽ പുതിയ സ്ഫോടനങ്ങളുടെ ഒരു പരമ്പര കേട്ടതായി എഎഫ്‌പി റിപ്പോർട്ട് ചെയ്തു.