ദുബൈ: കരാറിൽ സമ്മതിച്ച പ്രകാരം യു.എ.ഇ കറൻസിയിലും ക്രിപ്‌റ്റോ കറൻസിയിലും തൊഴിലാളിയുടെ കുടിശ്ശിക ശമ്പളം അടയ്ക്കാൻ സുപ്രധാന വിധിയിൽ ദുബൈ കോടതി ഒരു കമ്പനിയോട് ഉത്തരവിട്ടു. സാമ്പത്തിക ഇടപാടുകളുടെ രീതികൾ നിരന്തരം വികസിച്ചു കൊണ്ടിരിക്കുന്നതിനാൽ സുപ്രധാനമായ മാറ്റവും പുരോഗമനപരമായ സമീപനവും അടയാളപ്പെടുത്തി 2024ലെ കേസ് നമ്പർ 1739ലാണ് ദുബൈ കോർട്സ് ഓഫ് ഫസ്റ്റ് ഇൻസ്റ്റൻസ് ഇത്തരമൊരു വിധി പുറപ്പെടുവിച്ചത്. 

യു.എ.ഇ ദിർഹമിന്റെ രൂപമായ ക്രിപ്‌റ്റോ കറൻസിയുടെ ഇക്കോ വാട്ട് ടോക്കണുകളിലും ജീവനക്കാരൻ്റെ പ്രതിമാസ ശമ്പളം നല്കണമെന്നത് കരാരിൽ വ്യക്തമാക്കിയതാണ്. ഏകപക്ഷീയമായ പിരിച്ചുവിടലിലുള്ള കേസിൽ തൊഴിലാളിക്ക് അനുകൂലമായി വിധിച്ചതിനെത്തുടർന്ന്, വേതനം ഇക്കോവാട്ട് ടോക്കണിലും നൽകാൻ കമ്പനിയോട് കോടതി ഉത്തരവിട്ടു.

ആറ് മാസത്തെ ശമ്പളത്തിൻ്റെ 5,250 ഇക്കോ വാട്ട് ടോക്കൺ ഭാഗം തൊഴിലുടമകൾ നൽകാത്തതും തൊഴിലാളിയെ തെറ്റായ രീതിയിൽ പിരിച്ചു വിട്ടതുമാണ് തർക്കത്തിന് കാരണമായതെന്ന് വാസൽ ആൻഡ് വാസൽ മാനേജിംഗ് പാർട്ണർ മഹ്മൂദ് അബു വാസലിനെ ഉദ്ധരിച്ചുള്ള റിപ്പോർട്ടിൽ പറഞ്ഞു. 2024ലെ തീരുമാനമനുസരിച്ചു, തൊഴിലാളിയുടെ മൗലികാവകാശമാണ് വേതനം.

ഈ വിധി 2021ലെ ഫെഡറൽ ഡിക്രി ലോ നമ്പർ (33) സ്ഥാപിച്ച നിയമ ചട്ടക്കൂട് അടിസ്ഥാനമാക്കിയുള്ളതാണ്. ഇത് യു.എ.ഇയിലെ തൊഴിൽ ബന്ധങ്ങളെ നിയന്ത്രിക്കുന്നു. കൂടാതെ, പരമ്പരാഗത വേതന സംരക്ഷണ സംവിധാനത്തിലൂടെ വേതന വിതരണ സംവിധാനങ്ങളിലെ വഴക്കം എടുത്തു കാണിക്കുന്നു -മറ്റൊരു നിയമ വിദഗ്ധൻ പറഞ്ഞു.