സലാല:ഒമാനിലെ സലാല മസ്കത്ത് റോഡിലുണ്ടായ വാഹനാപകടത്തിൽ നാല് ഇന്ത്യക്കാർ മരിച്ചു. ഒരാൾക്ക് പരുക്കേറ്റു. അൽ വുസ്ത ഗവർണറേറ്റിലെ ഹൈമയിൽ ചൊവ്വാഴ്‌ച രാത്രിയിലാണ് അപകടമുണ്ടായത്. ട്രെയ്‌ലർ മറ്റൊരു വാഹനവുമായി കൂട്ടിയിടിച്ച് വാഹനങ്ങൾക്ക് തീപിടിക്കുകയായിരുന്നു. നിസ‌യിൽ താമസിക്കുന്ന കർണാടക സ്വദേശികളാണ് അപകടത്തിൽ മരണപ്പെട്ടത്.

ഇവർ സലാല സന്ദർശിച്ച് മടങ്ങിവരുന്നതിനിടെയാണ് ഹൈമയിൽ നിന്നും 50 കിലോമീറ്റർ അകലെവെച്ച് അപകടമുണ്ടായത്. ഇവർ സഞ്ചരിച്ച കാർ ട്രെയ്‌ലറുമായി ഇടിക്കുകയും കത്തുകയുമാണുണ്ടായത്. പരുക്കേറ്റയാളെ പ്രാഥമിക ചികിത്സക്ക് ശേഷം ആശുപത്രിയിലേക്ക് മാറ്റി. സിവിൽ ഡിഫൻസ് ആൻഡ് ആംബുലൻസ് വിഭാഗം അധികൃതർ എത്തിയാണ് തീ നിയന്ത്രണ വിധേയമാക്കിയത്.

Four Indian nationals tragically lost their lives in a vehicle collision in Oman, highlighting the dangers of road accidents in the region.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക