തിരുവനന്തപുരം: സംസ്ഥാന സർക്കാരിനെയും ആഭ്യന്തര വകുപ്പിനെയും പ്രതിക്കൂട്ടിയിലായ വെളിപ്പെടുത്തലുകൾക്ക് പിന്നാലെ പി.വി അൻവർ എം.എൽ.എ ഇന്ന് മുഖ്യമന്ത്രി പിണറായി വിജയനെ കണ്ടേക്കും. മുഖ്യമന്ത്രിയുടെ വകുപ്പായ ആഭ്യന്തര വകുപ്പിനെതിരെ ഉൾപ്പെടെ ഞെട്ടിക്കുന്ന ആരോപണങ്ങൾ ഉന്നയിച്ചതിന് പിന്നാലെയാണ് അൻവർ - പിണറായി വിജയൻ കൂടിക്കാഴ്ചയ്ക്ക് വേദിയൊരുങ്ങുന്നത്. പൊലിസിലെ ഉന്നത ഉദ്യോഗസ്ഥർക്കും മുഖ്യമന്ത്രിയുടെ പൊളിറ്റിക്കൽ സെക്രട്ടറിക്കുമെതിരെ ഉന്നയിച്ച ആരോപണങ്ങൾ സംബന്ധിച്ച് വിശദമായ പരാതി അൻവർ കൈമാറും.

പൊലിസ് ഉദ്യോഗസ്ഥരായ പത്തനംതിട്ട എസ്.പി സുജിത് ദാസിനും എ.ഡി.ജി.പി അജിത് കുമാറിനുമെതിരെ ഗുരുതര ആരോപണങ്ങൾ ഉന്നയിച്ചിട്ടും കർശന നടപടിയെടുക്കാത്തതിൽ അൻവറിന് അതൃപ്തിയുണ്ട്. ഇക്കാര്യം അൻവർ മുഖ്യമന്ത്രിയെ അറിയിക്കാനാണ് സാധ്യത. മലപ്പുറം ജില്ലയിൽ നിന്നുള്ള എം.എൽ.എ മാരായ മന്ത്രി വി. അബ്ദുറഹ്മാൻ, കെ.ടി ജലീൽ എം.എൽ.എ എന്നിവരും മുഖ്യമന്ത്രിയെ കണ്ടേക്കും. മുഖ്യമന്ത്രിയെ കൂടാതെ സി.പി.എമ്മിലെ പ്രധാന നേതാക്കളും അൻവറുമായി ചർച്ച നടത്തും.

അതേസമയം, സംസ്ഥന പൊലിസ് മേധാവിയുടെ നേതൃത്വത്തിലുള്ള പ്രത്യേക അന്വേഷണ സംഘം ഇന്ന് അൻവറിൻ്റെ മൊഴി രേഖപ്പെടുത്തും. അജിത് കുമാറിനെ സ്ഥാനത്ത് നിലനിർത്തിക്കൊണ്ട് തന്നെയാണ് അദ്ദേഹത്തിനെതിരായ ആരോപണങ്ങളിൽ  ഡി.ജി.പി അന്വേഷണം നടത്തുന്നത്. ഡി.ജി.പി ഷെയ്‌ക് ദർവേസ് സാഹിബ് നേരിട്ടാണ് അന്വേഷണം നടത്തുക.

എ.ഡി.ജി.പിയെ ക്രമസമാധാന ചുമതലയിൽ നിന്ന് മാറ്റാതെയാണ് ആഭ്യന്തര വകുപ്പ് അന്വേഷണം നടത്തുക. മുഖ്യമന്ത്രിയുടെ പൊളിറ്റിക്കൽ സെക്രട്ടറി പി. ശശിയെയും സ്ഥാനത്ത് നിന്ന് മാറ്റില്ല. എം.ആർ അജിത്ത് കുമാറിനെ സ്ഥാനത്ത് നിന്ന് മാറ്റിയാൽ പി. ശശിയെയും എസ്.പി സുജിത് ദാസിനെയും മാറ്റേണ്ടി വരുമെന്നതാണ് ഇരുവരെയും നിലനിർത്തിക്കൊണ്ട് അന്വേഷണം നടത്താനുള്ള തീരുമാനത്തിന് പിന്നിൽ. ഗുരുതര ആരോപണം ഉണ്ടായിട്ടും എസ്.പി സുജിത് ദാസിനെ നിലവിൽ സ്ഥലം മാറ്റുക മാത്രമാണ് ചെയ്തത്.

Following shocking revelations implicating the state government and the Home Department, P.V. Anwar MLA is scheduled to meet Chief Minister Pinarayi Vijayan today. This meeting comes in the wake of serious allegations leveled against the Home Department, which is under the Chief Minister's purview