ഗസ്സ: വടക്കന്‍ ഗസ്സയിലെ ജബാലിയ അഭയാര്‍ഥി ക്യാംപില്‍ ഭക്ഷണം വാങ്ങാന്‍ നിന്നവരെ ഇസ്‌റാഈല്‍ ബോംബിട്ട് കൊന്നു. എട്ടു പേരാണ് മരിച്ചത്. യു.എന്‍.ആര്‍.ഡബ്ല്യു.എ സ്‌കൂളിലാണ് ആക്രമണം. ഈ ക്യാംപില്‍ നേരത്തെയും ഭക്ഷണത്തിനു കാത്തുനില്‍ക്കുന്നവരെ ഇസ്‌റാഈല്‍ കൊലപ്പെടുത്തിയിരുന്നു. കഴിഞ്ഞ ഡിസംബറില്‍ നടന്ന ആക്രമണത്തില്‍ 90 പേരാണ് കൊല്ലപ്പെട്ടത്.

വടക്കുപടിഞ്ഞാറന്‍ ഗസ്സയിലെ നുസൈറത്ത് ക്യാംപിലും സെന്‍ട്രല്‍ ഗസ്സയിലും കുട്ടിയുള്‍പ്പെടെ രണ്ടു പേരും ഇസ്‌റാഈല്‍ ആക്രമണത്തില്‍ കൊല്ലപ്പെട്ടു. കിഴക്കന്‍ ഗസ്സയിലെ ഷെയ്ഖ് റദ്വാന്‍ ക്ലിനിക്കില്‍ അഞ്ചു പേരും കൊല്ലപ്പെട്ടതായാണ് റിപ്പോര്‍ട്ട്.

 An Israeli airstrike on the Jabaliya refugee camp in northern Gaza has resulted in the deaths of eight people who were waiting for food at a UNRWA school