ദുബൈ: ദുബൈ അന്താരാഷ്ട്ര വിമാനത്താവളത്തിലെ (DXB) നിലവിലെ സാഹചര്യം എന്ന രീതിയിൽ സോഷ്യൽ മീഡിയയിൽ പ്രചരിക്കുന്ന വീഡിയോകൾ കെട്ടിച്ചമച്ചതാണെന്ന് അധികൃതർ. വിമാനത്താവളത്തിൽ അനിഷ്ട സംഭവങ്ങൾ നടന്നുവെന്ന് തെറ്റായി അവകാശപ്പെടുന്ന ദൃശ്യങ്ങൾക്കെതിരെ ദുബൈ എയർപോർട്ട്സ് ഔദ്യോഗിക മുന്നറിയിപ്പ് നൽകി.

ഓൺലൈനിൽ പ്രചരിക്കുന്ന വീഡിയോകൾ ഡിജിറ്റലായി മാറ്റം വരുത്തിയവയോ (Digitally Altered) കെട്ടിച്ചമച്ചവയോ ആണ്. ഇവയ്ക്ക് വിമാനത്താവളത്തിലെ യഥാർത്ഥ സാഹചര്യവുമായി യാതൊരു ബന്ധവുമില്ലെന്ന് അധികൃതർ വ്യക്തമാക്കി. "ഈ ഉള്ളടക്കം പൂർണ്ണമായും തെറ്റാണ്. വിമാനത്താവളത്തിലെ നിലവിലെ അവസ്ഥയെ ഇത് പ്രതിഫലിപ്പിക്കുന്നില്ല," ദുബൈ അന്താരാഷ്ട്ര വിമാനത്താവള അധികൃതർ പ്രസ്താവനയിലൂടെ അറിയിച്ചു.

ALSO READ: ഫുജൈറ എണ്ണ വ്യവസായ മേഖലയിൽ തീപിടുത്തം: ഡ്രോൺ അവശിഷ്ടങ്ങൾ വീണതെന്ന് സ്ഥിരീകരണം; ആളപായമില്ല 

സ്ഥിരീകരിക്കാത്തതും തെറ്റായതുമായ വിവരങ്ങൾ പ്രചരിപ്പിക്കുന്നത് യുഎഇ നിയമപ്രകാരം ഗുരുതരമായ കുറ്റമാണ്. ഇത്തരം ഉള്ളടക്കങ്ങൾ ഷെയർ ചെയ്യുന്നവർ നിയമപരമായ പ്രത്യാഘാതങ്ങൾ നേരിടേണ്ടി വരുമെന്നും അധികൃതർ ഓർമ്മിപ്പിച്ചു.

പൊതുജനങ്ങൾ ശ്രദ്ധിക്കാൻ

വിമാനത്താവളത്തിന്റെ പ്രവർത്തനങ്ങളെക്കുറിച്ചോ സുരക്ഷാ സാഹചര്യങ്ങളെക്കുറിച്ചോ അറിയാൻ ഔദ്യോഗിക വാർത്താ സ്രോതസ്സുകളെയും ദുബൈ എയർപോർട്ട്സിന്റെ ഔദ്യോഗിക സോഷ്യൽ മീഡിയ പേജുകളെയും മാത്രം ആശ്രയിക്കുക. തെറ്റായ വാർത്തകൾ പടച്ചുവിടുന്നവർക്കെതിരെ കർശന നടപടി സ്വീകരിക്കുമെന്നും മുന്നറിയിപ്പുണ്ട്.

മിഡിൽ ഈസ്റ്റിൽ നിലനിൽക്കുന്ന പ്രത്യേക സാഹചര്യം കണക്കിലെടുത്ത് ജനങ്ങൾക്കിടയിൽ പരിഭ്രാന്തി പടർത്താൻ ലക്ഷ്യമിട്ടുള്ളതാണ് ഇത്തരം വീഡിയോകളെന്ന് വിലയിരുത്തപ്പെടുന്നു. നിലവിൽ ദുബൈ വിമാനത്താവളത്തിലെ പ്രവർത്തനങ്ങൾ സാധാരണ നിലയിലാണ്.

authorities clarified that the visuals circulating online about dubai airport are fake and misleading. officials urged the public not to share unverified content on social media and warned that strict action will be taken against those spreading misinformation.