കോയമ്പത്തൂര്‍: എം.ഡി.എം.കെ നേതാവും ഈറോഡ് എം.പിയുമായ എ. ഗണേശമൂര്‍ത്തി (77) അന്തരിച്ചു. കോയമ്പത്തൂരിലെ സ്വകാര്യ ആശുപത്രിയിലായിരുന്നു അന്ത്യം. കീടനാശിനി ഉള്ളില്‍ച്ചെന്ന നിലയില്‍ ഞായറാഴ്ചയാണ് ഇദ്ദേഹത്തെ ആശുപത്രിയില്‍ പ്രവേശിപ്പിച്ചത്.

ഗണേശമൂര്‍ത്തിയെ തഴഞ്ഞ് വൈകോയുടെ മകനെ സ്ഥാനാര്‍ഥിയായി പാര്‍ട്ടി പ്രഖ്യാപിച്ചിരുന്നു. ഇതിന് പിന്നാലെയാണ് ഇദ്ദേഹം കീടനാശിനി കഴിച്ചതെന്ന് റിപ്പോര്‍ട്ടുകളുണ്ടായിരുന്നു.

ഹൃദയാഘാതത്തെ തുടര്‍ന്നാണ് മരണമെന്ന് ആശുപത്രി അധികൃതര്‍ അറിയിച്ചു. മൂന്ന് തവണ എം.പിയായും ഒരു തവണ എം.എല്‍.എയായും തെരഞ്ഞെടുത്തിട്ടുണ്ട്.