തിരുവനന്തപുരം: പ്രായപൂര്‍ത്തിയാവാത്ത പെണ്‍കുട്ടിയുമായി കടന്നുകളഞ്ഞ് ദേഹോപദ്രവം നടത്തിയ യുവാവിനെ പോലിസ് പിടികൂടി. മൈലക്കര ചരിഞ്ഞാന്‍കോണം പുലിക്കുഴി മേലെ പുത്തന്‍വീട്ടില്‍ ശ്രീരാജ്(21)നെയാണ് പൊലിസ് പിടികൂടിയത്. സ്‌കൂള്‍ വിദ്യാര്‍ഥിയായ പെണ്‍കുട്ടിയെ കാണാനില്ലെന്ന പരാതിയുടെ അന്വേഷണമാണ് പോക്‌സോ കേസില്‍ അവസാനിച്ചത്.

പെണ്‍കുട്ടിക്കായി കേരളത്തിലും തമിഴ്‌നാട്ടിലും പോലിസ് അരിച്ചുപെറുക്കിയെങ്കിലും കണ്ടെത്താനായില്ല. ഒടുവില്‍ യുവാവിനൊപ്പം കണ്ടെത്തുകയായിരുന്നു. പെണ്‍കുട്ടിയോട് വിവരങ്ങള്‍ ചോദിച്ചു മനസിലാക്കിയ പൊലിസ് പെണ്‍കുട്ടിയെ ദേഹോപദ്രവം ഏല്‍പിച്ചിട്ടുണ്ടെന്ന് മനസിലാക്കിയ ശേഷം വൈദ്യപരിശോധന നടത്തിയാണ് അറസ്റ്റ് ചെയ്തത്.

സര്‍ക്കില്‍ ഇന്‍സ്‌പെക്ടര്‍ ബാബുക്കുറുപ്പ്, എസ്.ഐ സജിത്ത് ജി നായര്‍, സിവില്‍ പൊലിസുകാരായ പ്രദീപ്, ഷിബ, ദീപു എന്നിവരുടെ സംഘമാണ് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.