ഒട്ടുമിക്ക ആളുകള്‍ക്കും ഈയിടെയായി വൈറല്‍ പനി പിടിപെട്ടിട്ടുണ്ട്. വളരെ വേഗത്തിലാണ് പനി പടര്‍ന്നുകൊണ്ടിരിക്കുന്നതെന്നാണ് ആരോഗ്യവകുപ്പും വ്യക്തമാക്കുന്നത്. പനി മാറിയ ശേഷവും പലര്‍ക്കും ശാരീരിക ബുദ്ധിമുട്ടുകള്‍ തുടരുന്നുണ്ട്. മാസങ്ങളോളം ക്ഷീണം നിലനില്‍ക്കുന്നത് വൈറല്‍ പനിയുടെ അനന്തരഫലമാണ്. പനി മാറിയെന്ന് കരുതി റെസ്റ്റ് അവസാനിപ്പിക്കരുത്. ചിലര്‍ക്ക് കൃത്യമായ പരിചരണവും അതുപോലെ നീണ്ട നാളത്തെ ചികിത്സയുമുണ്ടെങ്കിലേ പനിക്ക് ശേഷം വരുന്ന ക്ഷീണം കുറയ്ക്കാനാകൂ. 

അമിതമായ ക്ഷീണം പോലെ തന്നെ ശ്രദ്ധക്കുറവ്, തലവേദന, പേശികള്‍ക്ക് വേദനയും മുറുക്കവും, തൊണ്ട വേദന, ജോയിന്റുകള്‍ മുറുകുക എന്നിങ്ങനെയുള്ള പ്രശ്‌നങ്ങളാണ് കൂടുതലാളുകളിലും കണ്ടുവരുന്നത്. വൈറസ് ശരീരത്തില്‍ നിന്ന് പോകുന്നതായിരിക്കാം ഈ പ്രശ്‌നങ്ങള്‍ എന്നാല്‍ ഇത് കൂടുതല്‍ നാള്‍ വരെ നീണ്ടു നിന്നാല്‍ തീര്‍ച്ചയായും ഡോക്ടറുടെ സഹായം തേടണം.

ചിലര്‍ക്ക് കൃത്യമായ പരിചരണവും അതുപോലെ നീണ്ട നാളത്തെ ചികിത്സയുമുണ്ടെങ്കില്‍ ഈ പ്രശ്‌നങ്ങള്‍ മാറുകയുള്ളൂ. എന്നാല്‍ മറ്റ് ചിലര്‍ക്ക് നന്നായി റെസ്റ്റ് എടുത്താല്‍ ഈ പ്രശ്‌നം തനിയെ മാറും. ഒരു കാര്യം പ്രത്യേകം ശ്രദ്ധിക്കുക മാസങ്ങളോളം ഈ ലക്ഷണങ്ങള്‍ നീണ്ടു നിന്നാല്‍ ഉറപ്പായും ഡോക്ടറുടെ സഹായം തേടണം.

ക്ഷീണം മാറ്റാന്‍ വീട്ടില്‍ തന്നെ ചെയ്യാവുന്ന ചില കാര്യങ്ങള്‍

• രാത്രിയില്‍ ഏഴ് മുതല്‍ ഒന്‍പത് മണിക്കൂറെങ്കിലും കുറഞ്ഞത് ഉറങ്ങാന്‍ ശ്രമിക്കുക.
• ഇടയ്ക്ക് ക്ഷീണം തോന്നുമ്പോഴും ഉറങ്ങുന്നത് നല്ലതാണ്.
• ധാരാളം വെള്ളം കുടിക്കുക.
• അമിതമായ എണ്ണമയമുള്ള ഭക്ഷണങ്ങളെല്ലാം ഒഴിവാക്കി പോഷക ഗുണമുള്ള ബാലന്‍സണ്ട് ഡയറ്റ് കഴിക്കുക.
  
  side effect of viral fever,  Here’s What You Should Know