ബെംഗളൂരു: കര്‍ണാടകയിലെ ബെംഗളൂരുവില്‍ യുവതിയുടെ മൃതദേഹം വെട്ടിനുറുക്കി റഫ്രിജറേറ്ററില്‍ സൂക്ഷിച്ച നിലയില്‍ കണ്ടെത്തി. 32 കഷണങ്ങളാക്കിയ നിലയിലായിരുന്നു യുവതിയുടെ മൃതദേഹം കണ്ടെത്തിയത്. ബെംഗളൂരുവിലെ വയലിക്കാവല്‍ പോലീസ് സ്റ്റേഷന്‍ പരിധിയിലാണ് ക്രൂരമായ സംഭവം നടന്നത്. കൊലപാതകം നടന്നത് 45 ദിവസങ്ങള്‍ക്ക് മുമ്പായിരിക്കാം എന്നാണ് പൊലിസ് സംശയിക്കുന്നത്.  

ഇതര സംസ്ഥാനക്കാരിയായ യുവതിയാണ് ക്രൂരമായി കൊല്ലപ്പെട്ടത്. മൃതദേഹം സൂക്ഷിച്ചിരുന്നത് യുവതിയുടെ വീട്ടില്‍ തന്നെയുള്ള റഫ്രിജറേറ്ററിലായിരുന്നു. കൊല്ലപ്പെട്ടത് ആരാണെന്നത് സംബന്ധിച്ച വിവരങ്ങള്‍ പൊലിസിന് ലഭിച്ചിട്ടുണ്ട്. കഴിഞ്ഞ കുറച്ച് കാലമായി ബെംഗളൂരുവില്‍ താമസിക്കുന്ന യുവതി അടുത്തിടെയാണ് വയലിക്കാവലിലെ വീട്ടിലേയ്ക്ക് താമസം മാറിയതെന്നാണ് വിവരം. യുവതി ഈ വീട്ടില്‍ ഒറ്റയ്ക്കാണ് താമസിച്ചിരുന്നതെന്ന് അയല്‍വാസികള്‍ പറയുന്നു.

യുവതിയെ കാണാനായി അമ്മയും സഹോദരിയും രാവിലെ വീട്ടിലെത്തിയിരുന്നതായി അയല്‍വാസികള്‍ പറഞ്ഞു. വീടിനുള്ളില്‍ കയറിയപ്പോള്‍ ദുര്‍ഗന്ധം ഉയര്‍ന്നതോടെയാണ് ഫ്രിഡ്ജ് തുറന്ന് പരിശോധിച്ചത്. ഇതോടെയാണ് കൊലപാതക വിവരം പുറത്തറിയുന്നത്. കൊല നടത്തിയത് ആരാണെന്നോ കൊലക്ക് കാരണം എന്താണെന്നോ തുടങ്ങിയ കാര്യങ്ങളില്‍ വ്യക്തത വന്നിട്ടില്ല. ഡോഗ് സ്‌ക്വാഡും, വിരലടയാള വിദഗ്ധരും സ്ഥലത്തെത്തി പരിശോധന നടത്തി. സംഭവവുമായി ബന്ധപ്പെട്ട് അന്വേഷണം പുരോഗമിക്കുകയാണെന്ന് പൊലിസ് വ്യക്തമാക്കി.

A gruesome murder has shaken Bengaluru after police discovered the dismembered body of a young woman, chopped into 32 pieces, stored in a refrigerator. The shocking crime has sparked widespread outrage and an investigation is underway to identify the perpetrator and motive behind the heinous act.