വടക്കാഞ്ചേരി: പരുത്തിപ്ര ഗവണ്‍മെന്റ് എല്‍.പി സ്‌കൂളിലെ മുഴുവന്‍ കുട്ടികള്‍ക്കും സൗജന്യമായി ഓണക്കോടി വിതരണം ചെയ്ത് ജീവകാരുണ്യ പ്രവര്‍ത്തകരുടെ മാതൃക.
വ്യവസായികളായ ഐശ്വര്യ സുരേഷ്, പ്രദീപ്കണ്ണന്‍ എന്നിവരാണ് സ്‌കൂളിലെ ആണ്‍കുട്ടികള്‍ക്ക് ഷര്‍ട്ടും, പാന്റ്‌സും, പെണ്‍കുട്ടികള്‍ക്ക് പട്ടു വസ്ത്രങ്ങളും നല്‍കിയത്. വടക്കാഞ്ചേരി നഗരസഭാ പരിധിയിലെ മുഴുവന്‍ സ്‌കൂളുകളിലും ഓണക്കോടി വിതരണം ചെയുമെന്നും സുരേഷും, പ്രദീപും അറിയിച്ചു. പരുത്തിപ്ര സ്‌കൂളില്‍ നടന്ന പരിപാടി നഗരസഭ വൈസ് ചെയര്‍മാന്‍ എം.ആര്‍ അനൂപ് കിഷോര്‍ ഉദ്ഘാടനം ചെയ്തു. സ്ഥിരം സമിതി അധ്യക്ഷ ലൈല നസീര്‍ അധ്യക്ഷയായി.
കൗണ്‍സിലര്‍ എം.എച്ച് ഷാനവാസ്, പ്രധാന അധ്യാപിക പി.ബി സീന, അധ്യാപക പ്രതിനിധി സക്കീര്‍ ഹുസൈന്‍, പി.ടി.എ പ്രസിഡന്റ്  മുഹമ്മദ് ബഷീര്‍, മാതൃസംഗമം പ്രസിഡന്റ് സജിനി ജിപ്‌സണ്‍ തുടങ്ങിയവര്‍ പ്രസംഗിച്ചു. ഐശ്വര്യ സുരേഷിനേയും, പ്രദീപ് കണ്ണനേയും ചടങ്ങില്‍ വച്ച് ആദരിച്ചു.