ഡെറാഡൂണ്‍: ഗരുഡ കൊടുമുടി കയറുന്നതിനിടെ ശ്വാസം മുട്ടല്‍ അനുഭവപ്പെട്ട് മലയാളി യുവാവ് മരിച്ചു. ഇടുക്കി കമ്പിളികണ്ടം മുക്കുടം സ്വദേശി പൂവത്തിങ്കല്‍ അമല്‍ മോഹന്‍ (34) ആണ് മരിച്ചത്. വെള്ളിയാഴ്ച സമുദ്രനിരപ്പില്‍ നിന്നും 6,000 മീറ്റര്‍ ഉയരത്തിലുള്ള ഗരുഡ കൊടുമുടി കയറുന്നതിനിടെ അമലിന് ശ്വാസംമുട്ടല്‍ അനുഭവപ്പെടുകയായിരുന്നു.

തുടര്‍ന്ന് കൂടെയുണ്ടായിരുന്ന സുഹൃത്ത് കൊല്ലം സ്വദേശി വിഷ്ണു ജി നായര്‍ അമലിന്റെ ആരോഗ്യനില മോശമാണെന്ന് അധികൃതരെ അറിയിക്കുകയായിരുന്നു. എന്‍ഡിആര്‍എഫ് സംഘം ബേസ് ക്യാംപില്‍ എത്തിച്ചെങ്കിലും അമലിന്റെ ജീവന്‍ രക്ഷിക്കാനായില്ല.