പെരുവള്ളൂര്‍: വില്ലേജ് ഓഫിസിലെ അനാസ്ഥയ്‌ക്കെതിരേ പെരുവള്ളൂര്‍ പഞ്ചായത്ത് മുസ്‌ലിം യൂത്ത് ലീഗ് പ്രക്ഷോഭത്തിന് ഒരുങ്ങുന്നു. ഇതിന്റെ ഭാഗമായി ഒന്‍പതിന് രാലിലെ പത്തിന് വില്ലേജ് ഓഫിസിലേക്ക് പ്രതിഷേധ മാര്‍ച്ച് നടത്തും.
വില്ലേജ് ഓഫിസില്‍ മതിയായ സ്റ്റാഫിനെ നിയമിക്കുക, വിവിധ സര്‍ട്ടിഫിക്കറ്റുകള്‍ നല്‍കുന്നത് വേഗത്തിലാക്കുക, പോക്കുവരവിന്റെയും നികുതി സ്വീകരിക്കലിന്റെയും പേരില്‍ ജനങ്ങളെ പീഡിപ്പിക്കുന്നത് അവസാനിപ്പിക്കുക, മരവിപ്പിച്ച ഓണ്‍ലൈന്‍ സംവിധാനം പുനഃസ്ഥാപിക്കുക, ഉദ്യോഗസ്ഥരുടെ പിഴവിനു ജനങ്ങളെ ദ്രോഹിക്കാതിരിക്കുകയും മാന്യമായി പെരുമാറകയും ചെയ്യുക തുടങ്ങിയ ആവശ്യങ്ങളാണ് യൂത്ത് ലീഗ് ഉന്നയിക്കുന്നത്.
യോഗത്തില്‍ സി.എ ബഷീര്‍ അധ്യക്ഷനായി. കോയാസ് കാക്കത്തടം, നിസാര്‍ കൂമണ്ണ, യു.പി അലി, എം.സി അസ്‌കര്‍, എന്‍. ത്വാഹിര്‍, സലീം ചുള്ളിയാലപ്പുറായ, അന്‍വര്‍ കൊല്ലംചിന, ഷാഫി പുകയൂര്‍, അയ്യൂബ് സിദ്ദീഖാബാദ് സംസാരിച്ചു.