വേങ്ങര: ചേറൂര്‍ ജി.എം.എല്‍.പി സ്‌കൂളില്‍  മേന്മ പദ്ധതിക്കു തുടക്കമിട്ടു. മുഴുവന്‍ വിദ്യാര്‍ഥികളെയും മികവ് പ്രകടിപ്പിക്കുന്നവരാക്കി മാറ്റുന്നതാണ് പദ്ധതി.  രക്ഷിതാക്കള്‍ക്കുള്ള ബോധവത്കരണ ക്ലാസുകള്‍, വിദ്യാര്‍ഥികള്‍ക്കുള്ള വര്‍ക്ക്ഷീറ്റ് വിതരണം, സഹവാസക്യാംപുകള്‍, അക്ഷരസദ്യ-അക്ഷരനക്ഷത്രങ്ങള്‍, മാസാന്ത്യ പരീക്ഷകള്‍ എന്നിവ പദ്ധതിയുടെ ഭാഗമായി നടക്കും.  സലാഹുദ്ദീന്‍ സി.ടി ഉദ്ഘാടനം ചെയ്തു. പ്രധാനാധ്യാപകന്‍  കെ.വി പ്രസന്നകുമാര്‍, ആബിദ് പാക്കട, ടി. അബ്ദുറഹ്മാന്‍, പി. ശാലിമ, പി. വിജി, ടി. വിനീത  പ്രസംഗിച്ചു.