പള്ളിക്കല്‍: കാലിക്കറ്റ് സര്‍വകലാശാലാ കവാടത്തില്‍ എ.വൈ.ഡബ്ലിയു പ്രവര്‍ത്തകന്റെ ഒറ്റയാള്‍ സമരം. താടി വളര്‍ത്തി ക്ലാസില്‍ വന്നതിനു സര്‍വകലാശാലാ ഫിസിക്കല്‍ എജ്യൂക്കേഷന്‍ വിഭാഗം അധ്യാപകര്‍ ക്ലാസില്‍നിന്നു പുറത്താക്കിയ മുഹമ്മദ് ബിലാല്‍ എന്ന വിദ്യാര്‍ഥിയെ തിരിച്ചെടുക്കണമെന്നാവശ്യപ്പെട്ടാണ് ആം ആദ്മി പാര്‍ട്ടിയുടെ യുവജന സംഘടനയായ എ.വൈ.ഡബ്ലിയു ജില്ലാ കോഡിനേറ്റര്‍ ടി.എ അബ്ദുല്‍ അഹദ് ഒറ്റയാള്‍ സമരത്തിനിറങ്ങിയത്.
വിദ്യാര്‍ഥിയെ തിരിച്ചെടുക്കുംവരെ സമരം തുടരുമെന്ന പ്രഖ്യാപനത്തോടെ രാവിലെ ആരംഭിച്ച സമരം ഉച്ചയ്ക്കു പന്ത്രണ്ടോടെ അവസാനിപ്പിച്ചു. പുറത്താക്കിയ വിദ്യാര്‍ഥിയെ ഒരാഴ്ചയ്ക്കകം തിരിച്ചെടുക്കാനുള്ള നടപടി സ്വീകരിക്കുമെന്നു സര്‍വകലാശാലാ അധികൃതര്‍ ഉറപ്പുനല്‍കിയതിനാലാണ് സമരം അവസാനിപ്പിച്ചതെന്ന് അബ്ദുല്‍ അഹദ് പറഞ്ഞു.