ഷാർജ: കായിക രംഗത്ത് 2023- '24 വർഷത്തിൽ മികച്ച നേട്ടമു ണ്ടാക്കിയ 19 സ്പോർട്സ് ക്ലബു കൾക്ക് 36 മില്യൺ ദിർഹമിൻ്റെ സാമ്പത്തിക സഹായം അനു വദിച്ച് യു.എ.ഇ സുപ്രീം കൗൺ സിൽ അംഗവും ഷാർജ ഭരണാ ധികാരിയുമായ ശൈഖ് ഡോ. സുൽത്താൻ ബിൻ മുഹമ്മദ് അൽ ഖാസിമി. എമിറേറ്റിൻ്റെ ചരിത്രത്തിലാദ്യമായാണ് ഇത്ര വലിയ തുക സ്പോർട്‌സ് ക്ലബ്ബു കൾക്ക് ഗ്രാൻഡായി നൽകുന്നത്.

അടുത്ത സീസണിലേക്കുള്ള ഒരുക്കങ്ങൾ നടത്തുന്നതിന് വേണ്ടി തുക ഉടൻ നൽകാനാണ് ഉത്തരവ്. ടീമിനത്തിലും വ്യക്തിഗത ഇനങ്ങളിലും ദേശീയ-അന്തർ ദേശീയ രംഗങ്ങളിൽ മികച്ച നേട്ടങ്ങൾ കൈവരിക്കാൻ ഇത് ഉപകരിക്കുമെന്നാണ് വിലയിരുത്തൽ. ഷാർജ, കൽബ, കൽബ ഫുട്ബോൾ കമ്പനി, അൽ ബതായ, അൽ ഹംരിയ്യ, ദിബ്ബ അൽ ഹിസ്ൻ, അൽ ദൈദ്, അൽ മദാം, മലീഹ എന്നീ ക്ലബുകൾക്കും പ്രത്യേക ക്ലബുകളായ ഷാർജ ഇക്വസ്ട്രിയൻ ആൻഡ് റേസിങ് ക്ലബ്, ഷാർജ സെൽഫ് ഡിഫൻസ് സ്പോർട്‌സ് ക്ലബ്, ഷാർജ ഇന്റർനാഷണൽ മറൈൻ സ്പോർട്സ് ക്ലബ്, ഷാർജ കൾച്ചറൽ ആൻഡ് ചെസ് ക്ലബ്, ചെസ് ആൻഡ് കൾച്ചറൽ ക്ലബ് ഫോർ വിമൻ, അൽ തിഖ ഫോർ ദ ഡി സേബിൾഡ്, ഷാർജ ഫാൽകണേഴ്സ് ക്ലബ്, ഷാർജ വിമൻ സ്പോർട്‌സ് ക്ലബ് എന്നിവക്കുമാണ് ധനസഹായം ലഭിക്കുക.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക