മഞ്ചേരി: വില്ലേജിലെ ന്യായവില അപാകത സംബന്ധിച്ച് അഡ്വ. എം ഉമ്മര്‍ എംഎല്‍എ ജനങ്ങളെ വിഡ്ഢികളാക്കുകയാണെന്ന് സി.പി.ഐ മഞ്ചേരി  മുനിസിപ്പല്‍ കമ്മിറ്റി നേതാക്കള്‍ പത്രസമ്മേളനത്തില്‍ പറഞ്ഞു. സി.പി.ഐയുടെ പരാതിയെ തുടര്‍ന്നാണ് മഞ്ചേരിയിലെ ന്യായവില നിര്‍ണയത്തിലെ അപാകത പരിഹരിക്കാന്‍ ജില്ലയിലെ ഉദ്യോഗസ്ഥരുടെ സാന്നിധ്യത്തില്‍ ഇന്നലെ വകുപ്പ് മന്ത്രി തിരുവനന്തപുരത്ത് ചര്‍ച്ചനടത്തിയത്. മഞ്ചേരിയിലെയും സമീപ വില്ലേജുകളിലെയും ഭൂമിയുടെ  ന്യായവില നിര്‍ണയത്തിലെ അപാകത പരിഹരിക്കുന്നതിനായി ആത്മാര്‍ഥതയുണ്ടായിരുന്നുവെങ്കില്‍ യു.ഡി.എഫ് ഭരണത്തില്‍തന്നെ പ്രശ്‌നപരിഹാരത്തിന് ശ്രമിക്കണമായിരുന്നവെന്നും നേതാക്കള്‍ പറഞ്ഞു. സി.പി.ഐ ജില്ലാ കമ്മിറ്റിയംഗം പി ഗൗരി, കൗണ്‍സിലര്‍ കൃഷ്ണദാസ്‌രാജ, ഇ അബ്ദു, സമീര്‍ പടവണ്ണ പത്രസമ്മേളനത്തില്‍ പങ്കെടുത്തു.