ദോഹ: ഖത്തര്‍ എയര്‍വേയ്‌സ് ഇറാഖ്, ഇറാന്‍, ലബനാന്‍, ജോര്‍ദാന്‍ എന്നിവിടങ്ങളിലേക്കുള്ള സര്‍വീസ് താല്‍ക്കാലികമായി നിര്‍ത്തിവെച്ചു. പശ്ചിമേഷ്യയിലെ നിലവിലെ സാഹചര്യങ്ങള്‍ കണക്കിലെടുത്താണ് തീരുമാനമെന്നും, യാത്രക്കാരുടെ സുരക്ഷ പ്രധാനമെന്നും ഖത്തര്‍ എയര്‍വേയ്‌സ് വ്യക്തമാക്കി.

'മിഡില്‍ ഈസ്റ്റിലെ നിലവിലെ സംഭവവികാസങ്ങളുടെ പശ്ചാത്തലത്തില്‍ ഖത്തര്‍ എയര്‍വേയ്‌സ് ഇനിയൊരു അറിയിപ്പ് ഉണ്ടാകുന്നത് വരെ ഇറാഖ്, ഇറാന്‍, ലബനാന്‍ എന്നിവിടങ്ങളിലേക്കുള്ള വിമാനങ്ങള്‍ താത്കാലികമായി നിര്‍ത്തിവെച്ചു'. കമ്പനി പ്രസ്താവനയിലൂടെ അറിയിച്ചു. 

അമ്മാന്‍ ജോര്‍ദാന്‍ എന്നിവിടങ്ങളിലേക്കുള്ള വിമാന സര്‍വീസുകള്‍ പകല്‍സമയങ്ങളില്‍ മാത്രമായിരിക്കുമെന്നും അധികൃതര്‍ അറിയിച്ചു. എയര്‍ലൈന്‍ സാഹചര്യങ്ങള്‍ വിശകലനം ചെയ്യുകയാണെന്നും അവശ്യമായ വിവരങ്ങള്‍ അറിയിക്കുമെന്നും ബന്ധപ്പെട്ടവര്‍ വ്യക്തമാക്കി.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക

Qatar Airways temporarily halts flights to Iraq, Iran, Lebanon and Jordan due to unforeseen circumstances, affecting travel plans for passengers.