നമ്മള്‍ കഴിക്കുന്ന ഭക്ഷണങ്ങളില്‍ ചിലത് വില്ലനാവാം. അതിലൊന്നാണ് പാലുല്‍പ്പന്നങ്ങള്‍. ഇതില്‍ ചര്‍മ്മത്തിലെ എണ്ണ ഉല്‍പാദനത്തെ ഉത്തേജിപ്പിക്കുന്ന ഹോര്‍മോണുകള്‍ അടങ്ങിയിട്ടുണ്ട്. ഇത് മുഖക്കുരുവിന് കാരണമാകുന്നു. കൂടാതെ, സംസ്‌കരിച്ച ഭക്ഷണങ്ങളും ശുദ്ധീകരിച്ച കാര്‍ബോഹൈഡ്രേറ്റുകളും അടങ്ങിയ ഭക്ഷണക്രമവും വൈറ്റ് ബ്രെഡ്, പാസ്ത പോലുള്ളവയും മുഖക്കുരു വരുവാനുള്ള സാധ്യത കൂട്ടുന്നു. 

ചിലര്‍ക്ക് കഴുത്തിലും ഇത്തരത്തില്‍ കുരുക്കള്‍ കൂടുതല്‍ ഉണ്ടാവാറുണ്ട്. എന്നാല്‍ ഇതിനു പിന്നില്‍ പല കാരണങ്ങളുമുണ്ട്. 
എന്തൊക്കെയാണ് ആ കാരണങ്ങളെന്നു നോക്കാം. നമ്മുടെ ചര്‍മ്മം ഉല്‍പ്പാദിപ്പിക്കുന്ന അധികമായ എണ്ണ സുഷിരങ്ങളില്‍ അടിഞ്ഞുകൂടുകയും ഇത് ബാക്ടീരിയകളുടെ വളര്‍ച്ചയെ കൂട്ടുന്ന കൊഴുപ്പുള്ള അന്തരീക്ഷം സൃഷ്ടിക്കുകയും ചെയ്യുന്നു. ഇത് മുഖക്കുരു ഉണ്ടാവാന്‍ കാരണമാകുന്നു.

കഴുത്തിലുണ്ടാകുന്ന മുഖക്കുരുവിന് ഹോര്‍മോണ്‍ വ്യതിയാനങ്ങളുമായി പങ്കുണ്ട്. പ്രായപൂര്‍ത്തിയാകുമ്പോള്‍ ആണ്‍കുട്ടികള്‍ക്കും പെണ്‍കുട്ടികള്‍ക്കും ടെസ്റ്റോസ്റ്റിറോണ്‍, ഈസ്ട്രജന്‍ എന്നിവയുള്‍പ്പെടെയുള്ള ഹോര്‍മോണുകളുടെ വര്‍ധനവുണ്ടാവും. ഈ ഹോര്‍മോണുകള്‍ക്ക് ചര്‍മ്മത്തിലെ എണ്ണ ഗ്രന്ഥികളെ ഉത്തേജിപ്പിക്കാനും കഴിയും. ഇങ്ങനെയുണ്ടാകുന്ന അധിക എണ്ണ മുഖക്കുരു ഉണ്ടാവാന്‍ ഇടയാക്കുന്നു.

കൂടാതെ, ആര്‍ത്തവം, സമ്മര്‍ദ്ദം, അല്ലെങ്കില്‍ പോളിസിസ്റ്റിക് ഓവറി സിന്‍ഡ്രോം (പിസിഒഎസ്) പോലുള്ള ചില മെഡിക്കല്‍ അവസ്ഥകളും ഹോര്‍മോണ്‍ വ്യതിയാനങ്ങളുമെല്ലാം കഴുത്തില്‍ മുഖക്കുരു ഉണ്ടാകുന്നതിനും കാരണമാകുന്നു.

പാലുല്‍പ്പന്നങ്ങളില്‍ ചര്‍മ്മത്തിലെ എണ്ണ ഉല്‍പാദനത്തെ ഉത്തേജിപ്പിക്കുന്ന ഹോര്‍മോണുകള്‍ കൂടുതലായുണ്ട്. ഇത് മുഖക്കുരുവിന് കാരണമാകുന്നു. സംസ്‌കരിച്ച ഭക്ഷണങ്ങളും ശുദ്ധീകരിച്ച കാര്‍ബോഹൈഡ്രേറ്റുകളടങ്ങിയ ഭക്ഷണക്രമം, വൈറ്റ് ബ്രെഡ്, പാസ്ത എന്നിവയും മുഖക്കുരുവരാന്‍ കാരണമാകുന്നു. ഈ ഭക്ഷണങ്ങള്‍ രക്തത്തിലെ പഞ്ചസാരയുടെ അളവും വര്‍ധിപ്പിക്കും. ഇത് ഇന്‍സുലിന്‍ ഉത്പാദനം കൂട്ടുന്നു.

എങ്ങനെ തടയാം?

കറ്റാര്‍വാഴയുടെ ജെല്ലില്‍ ആന്റിഇന്‍ഫ്‌ലമേറ്ററി, ആന്റി ബാക്ടീരിയല്‍ എന്നീ ഗുണങ്ങളുണ്ട്. ദിവസവും രാത്രി കിടക്കുന്നതിന് മുമ്പ് കഴുത്തിന് ചുറ്റും കറ്റാര്‍വാഴ ജെല്‍ പുരട്ടുകയാണെങ്കില്‍ കുരുക്കള്‍ അകറ്റാന്‍ സഹായിക്കുന്നതാണ്. 
എല്ലാ ദിവസവും ഒരു നേരം ഐസ് ക്യൂബ് ഉപയോഗിച്ച് മസാജ് ചെയ്യുന്നതും കഴുത്തിലെ കുരുക്കള്‍ അകറ്റുന്നതിന് സഹായിക്കുന്നു.

മഞ്ഞളിന് ആന്റിമൈക്രോബയല്‍, ആന്റിഇന്‍ഫ്‌ളമേറ്ററി ഗുണങ്ങളുള്ളതിനാല്‍ കുരുക്കളും കറുത്തപാടുകളും മാറ്റുന്നതിന് മഞ്ഞള്‍ സഹായിക്കുന്നതാണ്. മഞ്ഞള്‍ പൊടിയും റോസ് വാട്ടറും മിക്‌സ് ചെയ്ത് കഴുത്തിന് ചുറ്റും പുരട്ടുന്നതും കുരുക്കള്‍ അകറ്റാന്‍ സഹായിക്കുന്നതാണ്.