ദുബൈ: സത്യസന്ധതയുടെ പേരില്‍ യുഎഇയിലെ ഇന്ത്യക്കാര്‍ക്ക് അഭിമാനമായി രണ്ടു പ്രവാസി യുവാക്കള്‍. കളഞ്ഞുകിട്ടിയ ഒരു ലക്ഷം ദിര്‍ഹം (22 ലക്ഷത്തിലേറെ രൂപ) ദുബൈ പൊലിസിനെ ഏല്‍പ്പിച്ച സ്വദേശ് കുമാര്‍, തന്റെ ടാക്‌സിയില്‍ യാത്രക്കാരന്‍ മറന്നുവച്ച വിലപിടിപ്പുള്ള സാധനങ്ങള്‍ തിരിച്ചേല്‍പ്പിച്ച ദീപക് കുമാര്‍ സിങ് എന്നി യുവാക്കളാണ് അധികൃതരുടെ ആദരവിനര്‍ഹരായത്. 

സ്വദേശിന് പണം കളഞ്ഞു കിട്ടുന്നത് ദുബൈയിലെ ബര്‍ഷ ഏരിയയില്‍ നിന്നാണ്. ഇയാള്‍ മറ്റൊന്നും ആലോചിക്കാതെ തുകയുമായി നേരെ ബര്‍ഷ പൊലിസ് സ്‌റ്റേഷനിലെത്തി അധികൃതരെ ഏല്‍പ്പിക്കുകയായിരുന്നു. ഇത്രയും സത്യസന്ധനായ ഒരാളെ വെറും കൈയോടെ മടക്കിയയക്കാന്‍ ഒരുക്കമല്ലാതിരുന്ന പൊലിസ്, ബര്‍ഷ പൊലീസ് സ്‌റ്റേഷന്‍ ഡയറക്ടര്‍ ബ്രി. മാജിദ് അല്‍ സുവൈദി, ട്രാഫിക് റജിസ്‌ട്രേഷന്‍ വിഭാഗം തലവന്‍ കേണല്‍ മുസ്തഫ മുഹമ്മദ് അബ്ദുല്ല, ക്രിമിനല്‍ റെക്കോര്‍ഡ്‌സ് വിഭാഗം തലവന്‍ ലഫ്.കേണല്‍ യാസര്‍ അല്‍ ഹാഷിമി, മറ്റു ഉദ്യോഗസ്ഥര്‍ തുടങ്ങിയവരുടെ സാന്നിധ്യത്തില്‍ സ്വദേശിനെ ആദരിക്കുകയായിരുന്നു.

അതേസമയം, ദുബൈ റോഡ്‌സ് ആന്‍ഡ് ട്രാന്‍സ്‌പോര്‍ട് അതോറിറ്റി(ആര്‍ടിഎ) ചെയര്‍മാന്‍ മത്താര്‍ അല്‍ തായറാണ് ടാക്‌സി ഡ്രൈവറായ ദീപക്കിനെ സര്‍ട്ടിഫിക്കറ്റ് നല്‍കി ആദരിച്ചത്. ഈ നടപടിയിലൂടെ യാത്രക്കാര്‍ക്ക് ടാക്‌സിയിലുള്ള വിശ്വാസം കൂടുതല്‍ ശക്തിപ്പെട്ടതായി അദ്ദേഹം പറഞ്ഞു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

The UAE police have honored Indian expatriates for their exemplary honesty, showcasing the values of integrity and trustworthiness within the Indian community in the Gulf region. This recognition is a testament to the positive contributions of Indian expats in the UAE.