റിയാദ്: ലോകത്തിലെ മികച്ച പത്ത് നഗരങ്ങളുടെ പട്ടികയില്‍ ഇടം നേടാനൊരുങ്ങി റിയാദ്. സഊദി കണ്‍വെന്‍ഷന്‍സ് ആന്‍ഡ് എക്‌സിബിഷന്‍സ് ജനറല്‍ അതോറിറ്റി (എസ്‌സിഇജിഎ) ചെയര്‍മാന്‍ ഫഹദ് അല്‍ റഷീദാണ് ഇക്കാര്യം വ്യക്തമാക്കിയത്.

എണ്ണ ഇതര മേഖലകളില്‍ ഏഴ് ശതമാനം വളര്‍ച്ചയാണ് ഇതിനകം തന്ന സഊദി അറേബ്യ കൈവരിച്ചത്. വിഷന്‍ 2030ന്റെ സ്വാധീനം രാജ്യത്തെ എക്‌സസിബിഷനുകളിലും കോണ്‍ഫറന്‍സുകളിലും വലിയ നേട്ടമാണുണ്ടാക്കിയത്. 

17,000 പരിപാടികള്‍ക്കാണ് 2023ല്‍ രാജ്യം ആതിഥേയത്വം വഹിച്ചത്. 2030 ഓടെ ഇത് 40,000 ആയി ഉയര്‍ത്താനാണ് പദ്ധതിയിടുന്നത്. കിരീടാവകാശി മുഹമ്മദ് ബിന്‍ സല്‍മാന്റെ കീഴില്‍ എക്‌സ്‌പോ 2030 സംഘടിപ്പിക്കുന്നതിന്റെ പ്രാധാന്യവും അല്‍ റഷീദ് വ്യക്തമാക്കി. റിയാദിന്റെ പരിണാമത്തിന് ആര്‍ട്ടിഫിഷ്യല്‍ ഇന്റലിജന്‍സ് (എഐ) നിര്‍ണായകമാണ്. ആഗോള നഗരങ്ങളുടെ ഭാവി രൂപപ്പെടുത്തുന്നതില്‍ സര്‍ഗ്ഗാത്മക ചിന്തയുടെയും സാങ്കേതികവിദ്യയുടെയും പങ്ക് ശക്തിപ്പെടുത്തുന്ന നവീകരണത്തിലാണ് രാജ്യമെന്നും അദ്ദേഹം പറഞ്ഞു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Riyadh, the capital of Saudi Arabia, has secured a spot among the world's top 10 best cities, showcasing its remarkable growth and development.