തിരുന്നാവായ: പി.എസ്.സി പരീക്ഷകളിൽ ഭിന്നശേഷിക്കാർക്കും രോഗികൾക്കും പ്രത്യേക പരിഗണന വേണമെന്ന ആവശ്യം ശക്തമാകുന്നു. പി.എസ്.സി പരീക്ഷാ സെൻ്ററുകളുടെ കംഫർട്ട് ലെവൽ അധികൃതർ പരിശോധിക്കണമെന്നും ഉദ്യോഗാർഥികൾ ആവശ്യപ്പെടുന്നു.  കാഴ്ച്ചാവെല്ലുവിളി നേരിടുന്നവർക്ക് അപേക്ഷിക്കാനുള്ള പ്രയാസം കണക്കിലെടുത്ത് ഭിന്നശേഷിക്കാർക്കായി പ്രത്യേകം കിയോസ്കുകൾ സ്ഥാപിക്കാൻ ഹൈക്കോടതി പി.എസ്.സിയോടും സർക്കാരിനോടും നിർദ്ദേശിച്ചിരിക്കുകയാണ്. 

ടൈപ് വൺ പ്രമേഹ രോഗികൾക്ക് ഇൻസുലിൻ ഉൾപ്പെടെയുള്ളവ പരീക്ഷാ ഹാളിൽ കൊണ്ടുവരാൻ അനുവദിക്കണമെന്ന നിരന്തരആവശ്യം ഒടുവിൽ പി. എസ്.സിയും അംഗീകരിച്ചിട്ടുണ്ട്. എല്ലാ പൗരന്മാർക്കും തുല്യനീതി ഉറപ്പുവരുത്താൻ എല്ലാ ഭരണഘടനാ സ്ഥാപനങ്ങൾക്കും ഉത്തരവാദിത്തുണ്ട്. എന്നാൽ പല പരിഷ്കരണങ്ങളിലും ഈ തുല്യത നഷ്ടമാകുന്നുണ്ട് എന്ന ആക്ഷേപവും ഉയരുന്നു.

2020 ആഗസ്റ്റിലാണ് പരീക്ഷാ രീതിയില്‍ നിര്‍ണായകമായ മാറ്റങ്ങള്‍ കൊണ്ടുവരുന്നത്. പി.എസ്.സി രൂപീകരിച്ചത് മുതല്‍ ഒറ്റപ്പരീക്ഷയിലൂടെ ഉദ്യോഗാര്‍ഥികളെ റാങ്ക് ചെയ്യുന്ന സംവിധാനമാണ്. ഇത് പരിഷ്‌കരിച്ചാണ് സെന്‍ട്രല്‍ സര്‍വിസുകളില്‍ ഉള്ളതുപോലെ പരീക്ഷകള്‍ രണ്ട് ഘട്ടമായി നടപ്പാക്കാന്‍ തീരുമാനമായത്.

 തിരിച്ചറിയല്‍ രേഖ, അഡ്മിഷന്‍ ടിക്കറ്റ്, നീല, കറുപ്പ് ബോള്‍പേന എന്നിവ മാത്രമാണ് പരീക്ഷാഹാളില്‍ അനുവദിക്കുന്നത്. ഇന്‍വിജിലേറ്റര്‍മാർ പോലും ഫോണ്‍ ഉപയോഗിക്കാന്‍ പാടില്ല. സമയം അറിയുന്നതിന്  ക്ലോക്ക് ഉള്‍പ്പെടെയുള്ള സൗകര്യങ്ങള്‍ സെന്ററില്‍ ഒരുക്കണമെന്ന് ഉദ്യോഗാർഥികൾ ആവശ്യപ്പെടുന്നുണ്ട്.  ഓരോ ഉത്തരങ്ങളും സമയബന്ധിതമായി നിർവഹിക്കാൻ  പരീക്ഷാ ഹാളിൽ ക്ലോക്കിന്റെ ആവശ്യകത കൂടുതലാണ്. 

പരീക്ഷ എഴുതുന്നവരുടെ കംഫര്‍ട്ട് ലെവല്‍ പരിഗണിക്കപ്പെടുന്നില്ലന്ന  ആക്ഷേപവുമുണ്ട്. ചില സ്‌കൂളുകളില്‍ നല്ല ബെഞ്ചോ ഡെസ്‌കോ ഉള്‍പ്പെടെയുള്ള ഭൗതിക സാഹചര്യങ്ങള്‍ ഉണ്ടാകാറില്ല. കടുത്ത വേനലിൽ പോലും ഫാൻ സൗകര്യവും ലഭിക്കാറില്ല.
ഓ​ൺ​ലൈ​ൻ അ​പേ​ക്ഷ ന​ട​പ​ടി പൂ​ർ​ത്തീ​ക​രി​ക്കാ​ൻ കാ​ഴ്ച​ വെല്ലുവിളി നേരിടുന്നവർ അട​ക്ക​മു​ള്ള ഭി​ന്ന​ശേ​ഷി​ക്കാ​ർ​ക്കാ​യി പ്രത്യേകം സേ​വ​ന​കേ​ന്ദ്ര​ങ്ങ​ൾ (കിയോസ്കുകൾ) ഒ​രു​ക്കാ​ൻ സ​ർ​ക്കാ​റി​നും പി.​എ​സ്.​സി​ക്കും ബാ​ധ്യ​ത​ ഉണ്ടെ​ന്ന്​ ഹൈ​കോ​ട​തി നിർദേശിച്ചിരിക്കയാണ്.