കൊച്ചി: എറണാകുളത്ത് വെച്ച് വന്ദേ ഭാരത് ട്രെയിനിന് നേരെ കല്ലേറ്. കല്ലേറിൽ ട്രെയിനിൻ്റെ ഗ്ലാസിന് പൊട്ടലേറ്റിട്ടുണ്ട്. എന്നാൽ ട്രെയിന് അകത്തേക്ക് കല്ല് എത്തിയതായി വിവരമില്ല. യാത്രക്കാർക്ക് ആർക്കും പരുക്കേറ്റിട്ടില്ലെന്നാണ് റിപ്പോർട്ട്. 

ഇന്നലെ രാത്രി എട്ടിനും ഒൻപതിനും ഇടയിലാണ് കല്ലേറ് ഉണ്ടായത്. ട്രെയിൻ അങ്കമാലിയ്ക്കും ആലുവയ്ക്കും ഇടയിൽ എത്തിയപ്പോഴാണ് കല്ലേറുണ്ടായത്. സംഭവത്തിൽ റെയിൽവേ പൊലിസ് കേസെടുത്ത് അന്വേഷണം തുടങ്ങി. സിസിടിവി കേന്ദ്രീകരിച്ചാണ് പ്രതികൾക്കായി അന്വേഷണത്തെ പുരോഗമിക്കുന്നത്. വന്ദേ ഭാരത് ട്രെയിനിന് നേരെ ഇതിന് മുൻപും കല്ലേറ് ഉണ്ടായിട്ടുണ്ട്.