തിരുവനന്തപുരം: മാനവീയം വീഥിയിൽ യുവതിയും യുവാവും തമ്മിലടിച്ച സംഭവത്തിൽ പൊലിസ് സ്വമേധയാ കേസെടുത്തു. സംഭവത്തിന്റെ വീഡിയോ സോഷ്യൽ മീഡിയയിൽ വ്യാപകമായി പ്രചരിച്ചതിന് പിന്നാലെയാണ് മ്യൂസിയം പൊലിസ് കേസെടുത്തത്. സംഭവസമയത്ത് യുവതിയും യുവാവും മദ്യ ലഹരിയിലായിരുന്നുവെന്ന് പൊലിസ് പറഞ്ഞു. 

ഈ നെടുമങ്ങാട് സ്വദേശിയായ സൈനികനും എറണാകുളം സ്വദേശിനിയായ യുവതിയുമാണ് ആലുകൾ നോക്കിനിൽക്കെ തമ്മിലടിച്ചത്. ഇരുവരും മാനവീയത്തിൽ വെച്ച് പരിചയപ്പെട്ട് പ്രണയത്തിലായവരാണ്. എന്നാൽ, യുവാവിന് മറ്റൊരു പെൺകുട്ടിയുമായി ബന്ധമുണ്ടെന്ന യുവതി യുവാവുമായി വഴക്കുണ്ടാക്കി. ഈ വാക്കുതർക്കമാണ് അടിപിടിയിൽ കലാശിച്ചത്.

ALSO READ: കേരള വനിത കമ്മീഷനില്‍ ജോലിയവസരം; ദിവസ വേതനാടിസ്ഥാനത്തില്‍ റിക്രൂട്ട്‌മെന്റ്; ഇന്റര്‍വ്യൂ നടക്കുന്നു

അതേസമയം, സംഭവത്തെതുടർന്ന് ഇരുവരെയും സ്റ്റേഷനിൽ വിളിച്ചുവരുത്തിയെങ്കിലും പരാതിയില്ലെന്ന് അവർ അറിയിച്ചു. എങ്കിലും പൊതുസ്ഥലത്ത് ശല്യമുണ്ടാക്കിയതിന് ഇവർക്കെതിരെ പെറ്റി കേസ് രജിസ്റ്റർ ചെയ്തിട്ടുണ്ട്.

അടിപിടി നടക്കുമ്പോൾ ചുറ്റുമുള്ളവർ ഇവരെ പിടിച്ചുമാറ്റുന്നതിന് അടിപിടി ആസ്വദിക്കുന്ന കാഴ്ചയാണ് ഉണ്ടായത്. "എഴുന്നേറ്റ് ഇടിക്കെടാ..." എന്ന് ചിലർ യുവാവിനെ പ്രകോപിപ്പിക്കുന്നതും, യുവതിയുടെ ഓരോ പ്രഹരത്തിനും ചുറ്റുമുള്ളവർ കയ്യടിച്ച് പ്രോത്സാഹിപ്പിക്കുന്നതും വീഡിയോയിൽ കാണാമായിരുന്നു. മാനവീയം വീഥിയിൽ തന്നെ പൊലിസ് പോസ്റ്റ് ഉണ്ടായിട്ടും കൃത്യസമയത്ത് ഉദ്യോഗസ്ഥർ ഇടപെട്ടില്ലെന്നും ആക്ഷേപമുണ്ട്.

The Museum police have taken suo moto action in the case of a brawl between a young man and woman at Manavium Vithiyil, after a video of the incident went viral on social media. The police stated that both individuals were under the influence of alcohol during the incident.