കോട്ടയം: അക്ഷരനഗരിയിലെ നടത്തപ്പെടുന്ന അത്തച്ചമയം ഞായറാഴ്ച നടക്കും.  വൈകുന്നേരം നാലിന് പൊലീസ് പരേഡ് ഗ്രൗണ്ടില്‍ നിന്ന് അത്തച്ചമയ ഘോഷയാത്ര ആരംഭിക്കും. കെ.കെ റോഡ് വഴി എത്തുന്ന ഘോഷയാത്ര രാത്രി ഏഴിന് തിരുനക്കര ക്ഷേത്രമൈതാനത്ത് സമാപിക്കും.
 മന്നം സാംസ്‌കാരിക സമിതി, കോട്ടയം നഗരസഭ, കോട്ടയം പ്രസ്‌ക്ലബ് എന്നിവര്‍ സംയുക്തമായിട്ടാണു പരിപാടി നടത്തുന്നത്.
ഘോഷയാത്രക്ക് മുന്നോടിയായി പൊലിസ് പരേഡ് ഗ്രൗണ്ടില്‍ നടക്കുന്ന ഓണവിളംബര സമ്മേളനം ചലചിത്രതാരം ജയരാജ് നിര്‍വഹിക്കും.   
 വാര്‍ത്താസമ്മേളനത്തില്‍ ചെയര്‍മാന്‍ വി.എന്‍ വാസവന്‍, പ്രസ്‌ക്ലബ് പ്രസിഡന്റ് എസ് മനോജ്, എസ് ജയകൃഷ്ണന്‍, ആര്‍ വേണുഗോപാല്‍, ടി.സി ഗണേഷ്, ജഷയകുമാര്‍ തിരുനക്കര, കെ.ജി ഉദയശങ്കര്‍ എന്നിവര്‍ പങ്കെടുത്തു.