ആദിവാസി പ്രമോട്ടര്‍മാരെ പിരിച്ചുവിട്ട് പുതിയ നിയമനം നടത്താന്‍ നീക്കം

backup

September 01, 2016 | 5:50 PM

%e0%b4%86%e0%b4%a6%e0%b4%bf%e0%b4%b5%e0%b4%be%e0%b4%b8%e0%b4%bf-%e0%b4%aa%e0%b5%8d%e0%b4%b0%e0%b4%ae%e0%b5%8b%e0%b4%9f%e0%b5%8d%e0%b4%9f%e0%b4%b0%e0%b5%8d%e2%80%8d%e0%b4%ae%e0%b4%be%e0%b4%b0-3

കൊല്ലം: ജില്ലയിലെ നിലവിലെ ആദിവാസി പ്രമോട്ടര്‍മാരെ പിരിച്ചു വിട്ട് പകരം പുതിയ ആളുകളെ നിയമിക്കാന്‍ നീക്കം.
ആദിവാസി വകുപ്പ് ഓഫീസില്‍ പോലും അറിയിക്കാതെയാണ് സി.പി.എം ഒത്താശയോടെ പുതിയ പ്രെമോട്ടര്‍മാരെ നിയമിക്കാന്‍ നീക്കം നടക്കുന്നത്. അപേക്ഷയുമായി ആളുകള്‍ എത്തി തുടങ്ങിയപ്പോഴാണ് ഓഫീസ് അധികൃതര്‍ വിവരമറിയുന്നത്.
ജില്ലയില്‍ നിലവില്‍ പതിനാല് പ്രമോട്ടര്‍മരെയും നാല് ഹെല്‍ത്ത് സ്റ്റാഫുകളെയുമാണ് ആദിവാസികള്‍ക്കിടയില്‍ നിന്നും നിയമിച്ചിരിക്കുന്നത്. പതിനെട്ട് പേരില്‍ മൂന്ന് പുരുഷന്‍മാരും പതിനഞ്ച് സ്ത്രീകളുമാണ് ഉള്ളത്.ഇതില്‍ കൂടുതല്‍ ആളുകളും കിഴക്കന്‍മേഖലയില്‍ നിന്നും ഉള്ളവരാണ്. പുതിയ തീരുമാനം അനുസരിച്ച് ഇവര്‍ക്കെല്ലാം തൊഴില്‍ നഷ്ടമാകും. ആദിവാസികളുടെ ആരോഗ്യപരിരക്ഷ, സാമൂഹിക പ്രശ്‌നങ്ങള്‍ എന്നിവയില്‍ ഇടപെട്ട് സര്‍ക്കാര്‍ ആനുകൂല്യങ്ങള്‍ എത്തിക്കുക എന്നതാണ് പ്രെമോട്ടര്‍മാരുടെ ദൗത്യം. തുച്ഛമായ വേതനത്തിന് ഓരോ വര്‍ഷത്തേക്കായിരുന്നു ആദിവാസികള്‍ക്കായി അവരില്‍ നിന്ന് തന്നെ പ്രമോട്ടര്‍മാരെ നിയമിക്കുന്നത്.എന്നാല്‍ കഴിഞ്ഞ സര്‍ക്കാരിന്റെ കാലത്ത് ഇവരുടെ കാലാവധി മൂന്ന് വര്‍ഷമായി വര്‍ധിപ്പിക്കുകയും ഓണറേറിയം 9625 രൂപ ആക്കുകയും ചെയ്തു.
ഒന്നര വര്‍ഷം മുതല്‍ പതിനഞ്ച് വര്‍ഷം വരെ ജോലി ചെയ്തവര്‍ക്കാണ് പുതിയ നിര്‍ദേശം കാരണം ജോലി നഷ്ടമാകുന്നത്.അകാരണമായി ജോലിയില്‍ നിന്ന് പിരിച്ചുവിടുന്നതിനെതിരെ കോടതിയെ സമീപിക്കാനുള്ള തയ്യാറെടുപ്പിലാണ് ഇവര്‍.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."