ഫറോക്ക്: ഖത്തര്‍ രാജകുടുംബത്തിനായി ബേപ്പൂരില്‍ വീണ്ടുമൊരു ആഡംബര ഉരു നിര്‍മിക്കുന്നു. സയൂസ് വുഡ് വര്‍ക്‌സിന്റെ കീഴിലാണ് പുതിയ ഉരുനിര്‍മാണം.
 ബേപ്പൂര്‍ കക്കാടത്ത്  പടന്നയില്‍ നിര്‍മ്മിക്കുന്ന ഉരുവിന്റെ  കീലിടല്‍ കര്‍മ്മം നടന്നു.
ഖത്തറിലെ ക്യാപ്റ്റന്‍ കൂടിയായ യൂസുഫ് അഹമ്മദ് അമ്മാരിയാണ് പുതിയ ഉരു നിര്‍മ്മാണത്തിന് ഓര്‍ഡര്‍ നല്‍കിയിരിക്കുന്നത്. അമ്മാരി മുമ്പും ബേപ്പൂരില്‍ നിന്ന് ഉരു നിര്‍മ്മിച്ചിട്ടുണ്ട്.
ദീര്‍ഘകാലം ഖത്തര്‍ ഉള്‍പ്പടെയുളള ഗള്‍ഫ് നാടുകളിലും ബേപ്പൂരിലും കോടികളുടെ ആഡംബരു ഉരു നിര്‍മാണത്തിന് മേല്‍നോട്ടം വഹിച്ച ഉരുനിര്‍മ്മാണ വിദഗ്ധന്‍ എടത്തൊടി സത്യനാണ് സംബൂക്ക് ഇനത്തില്‍പ്പെട്ട ഉരുവുനു മേല്‍നോട്ടം വഹിക്കുന്നത്.