അങ്ങാടിപ്പുറം: അങ്ങാടിപ്പുറം വില്ലേജ് ഓഫിസ് കെട്ടിടത്തില്‍ അറ്റകുറ്റപ്പണികള്‍ ആരംഭിച്ചു. കെട്ടിടത്തിന്റെ ജീര്‍ണാവസ്ഥയെക്കുറിച്ചു സുപ്രഭാതം വാര്‍ത്ത നല്‍കിയിരുന്നു.
മഴ പെയ്താല്‍ കെട്ടിടം ചോര്‍ന്നൊലിക്കുകയും ഉദ്യോഗസ്ഥര്‍ ജോലി ചെയ്യുന്ന ടേബിളടക്കം നനയുകയും ചെയ്യും. കോണ്‍ക്രീറ്റ് പാളികള്‍ പൊട്ടിപ്പൊളിഞ്ഞ നിലയിലായിരുന്നു.
താല്‍ക്കാലികമായി ചോര്‍ച്ച അടച്ചു പുതിയ ആസ്പറ്റോസ് ഷീറ്റ് മേയുന്നതോടെ പ്രശ്‌നത്തിനു താല്‍ക്കാലിക പരിഹാരമാകും. ഓഫീസിനോട് ചാരി നില്‍ക്കുന്ന മണ്‍തിട്ടകള്‍ നീക്കം ചെയ്തതോടെ ബൈക്ക് യാത്രക്കാര്‍ക്ക്  പാര്‍ക്കിംഗ് സൗകര്യവും ഒരുങ്ങിയിട്ടുണ്ട്.