മലപ്പുറം:  കാളമ്പാടി മഖാമില്‍ അന്ത്യവിശ്രമം കൊള്ളുന്ന സമുന്നത പണ്ഡിതവര്യരുംസമസ്ത നേതാക്കളുമായ മൗലനാ അബ്ദുല്‍ അലി കോമു മുസ്‌ലിയാര്‍, കോട്ടുമല അബൂബക്കര്‍ മുസ്‌ലിയാര്‍, കാളമ്പാടി മുഹമ്മദ് മുസ്‌ലിയാര്‍ എന്നിവരുടെ ഉറൂസിനുള്ള ഒരുക്കങ്ങളായി. ആറ്, ഏഴ് തിയതികളിലാണ് ഉറൂസ്. ആറിനു കൊടി ഉയര്‍ത്തല്‍, പ്രഭാഷണം എന്നിവയും ഏഴിനു  ഖത്മുല്‍ ഖുര്‍ആന്‍,  ഫിഖ്ഹ് കോണ്‍ഫറന്‍സ്,  സിദ്ദീഖീ സംഗമം, മൗലീദ് മജ്‌ലിസ,് അനുസ്മരണ സമ്മേളനം, മജ്‌ലിസുന്നൂര്‍, പ്രാര്‍ഥനാ സംഗമം എന്നിവയും നടക്കും.
ഒരുക്കങ്ങള്‍ വിലയിരുത്തുന്നതിനു  ഇന്നലെ ചേര്‍ന്ന കണ്‍വന്‍ഷനില്‍ പാണക്കാട് സയ്യിദ്  ബഷീറലി ശിഹാബ് തങ്ങള്‍ പ്രാര്‍ഥന നടത്തി. കാളാവ് സൈതലവി മുസ്‌ലിയാര്‍ അധ്യക്ഷനായി. സമസ്ത കേന്ദ്ര മുശാവറ അംഗം ടി.പി.ഇപ്പ മുസ്‌ലിയാര്‍ ഉദ്ഘാടനം ചെയ്തു
ഹസന്‍ സഖാഫി പൂക്കോട്ടൂര്‍,സുലൈമാന്‍ ഫൈസി ചുങ്കത്തറ, പി.കെ.ലത്തീഫ് ഫൈസി, ജഅ്ഫര്‍ ഫൈസി പഴമള്ളൂര്‍, അഷ്‌റഫ് ഫൈസി പെരിമ്പലം പ്രസംഗിച്ചു.