കോഴിക്കോട്: കോഴിക്കോട് ഡിഎംഒ തർക്കത്തിൽ പരിഹാരമായി. ഡോ.ആശാദേവി ഡിഎംഒ ആയി ചുമതലയേറ്റു. നേരത്തെ ഉണ്ടായിരുന്ന എല്ലാ സ്ഥലംമാറ്റവും അതേപടി നിലനിർത്തി ആരോഗ്യ വകുപ്പ് ഉത്തരവിറക്കി. കൂടാതെ ട്രാൻസഫർ ചെയ്യപ്പെട്ടവർ ചുമതലയേറ്റതായി ഉറപ്പാക്കാൻ ഡിഎച്ച്എസിനോട് ആരോഗ്യവകുപ്പ് നിർദേശിച്ചു.

സ്ഥലം മാറിയെത്തിയ ഡോ.ആശാ ദേവിക്ക് കസേര ഒഴിഞ്ഞ് കൊടുക്കാൻ മുൻ ഡിഎംഒ എൻ രാജേന്ദ്രൻ തയ്യാറാകാതെ വന്നതാണ് തർക്കത്തിന് കാരണം. സ്ഥലം മാറ്റത്തിനെതിരെ നേരത്തെ രാജേന്ദ്രൻ നേടിയിരുന്നു. പിന്നീട് സ്റ്റേ നീക്കിയതിനു ശേഷമാണ് ആശാദേവി ചുമതല ഏറ്റെടുക്കാൻ എത്തിയത്.

ഡോ. എൻ. രാജേന്ദ്രനെ ഡിഎംഒ പദവിയിൽ നിന്ന് മാറ്റുന്നത് ഈ മാസം ഒമ്പതിനാണ്. രാജേന്ദ്രനെ സ്ഥലം മാറ്റിയിരിക്കുന്നത് ഡിഎച്ച്എസ് ഓഫീസിലേക്കാണ്. എന്നാൽ ഇതിന് പിന്നാലെ രാജേന്ദ്രൻ ട്രൈബ്യൂണലിനെ സമീപിക്കുകയും ട്രൈബ്യൂണൽ ഈ സ്ഥലംമാറ്റ ഉത്തരവ് റദ്ദാക്കുകയുമായിരുന്നു. എറണാകുളത്ത് നിന്ന് 11ന് ആശാദേവി അധികാരമേറ്റടുക്കാൻ എത്തിയിരുന്നു. എന്നാൽ സ്റ്റേ ഉണ്ടായിരുന്നതിനാൽ മടങ്ങിപ്പോയി. പിന്നീട് സ്റ്റേ നീക്കിയതിന് ശേഷമാണ് കഴിഞ്ഞ ദിവസം ആശാ ദേവി ഓഫിസിൽ എത്തിയത്.

Dr. Asha Devi has assumed charge as the District Medical Officer (DMO) of Kozhikode, bringing an end to administrative uncertainty in the health department.