റിയാദ്: ഇറ്റാലിയൻ സൂപ്പർ കപ്പിൻ്റെ 37-ാമത് പതിപ്പ് ഇന്ന് റിയാദിൽ ആരംഭിക്കും. ഇത് അഞ്ചാം തവണയാണ് സഊദി അറേബ്യ ടൂർണമെന്റിന് ആതിഥേയത്വം വഹിക്കുന്നത്.

അൽ അവ്വൽ പാർക്ക് സ്‌റ്റേഡിയത്തിലാണ് മത്സരം സംഘടിപ്പിക്കുന്നത്. നാല് ടീമുകൾ ഉൾപ്പെടുന്ന നോക്കൗട്ട് ഫോർമാറ്റിലാണ് ഈ വർഷത്തെ ടൂർണമെന്റ് നടക്കുന്നത്. ഇറ്റാലിയൻ ലീഗ് ചാംപ്യൻമാരായ ഇന്റർ മിലാൻ, എസി മിലാൻ, ഇറ്റാലിയൻ കപ്പ് ചാംപ്യൻമാരായ യുവന്റസ്, ഇറ്റാലിയൻ കപ്പ് റണ്ണറപ്പായ അറ്റലാന്റ എന്നീ ടീമുകളാണ് ടൂർണമെന്റിൽ മാറ്റുരക്കുന്നത്.

ആദ്യ സെമി ഫൈനലിൽ ഇന്റർ മിലാൻ അറ്റലാന്റയെ നേരിടും. അടുത്ത ദിവസം നടക്കുന്ന മറ്റൊരു സെമിയിൽ എസി മിലാൻ യുവന്റസിനെ നേരിടും.

ക്വാളിറ്റി ഓഫ് ലൈഫ് പ്രോഗ്രാമിന്റെ ഭാഗമായ ഈ ഇവന്റ് സഊദി അറേബ്യ അടുത്തിടെ നടത്തിയ ആഗോള കായിക മത്സരങ്ങളുമായി ബന്ധപ്പെട്ടതാണ്. സഊദി വിഷൻ 2030 ൻ്റെ കായികവുമായി ബന്ധപ്പെട്ട ലക്ഷ്യങ്ങൾ കൈവരിക്കുക, നിക്ഷേപ അവസരങ്ങൾ വർധിപ്പിക്കുക, രാജ്യത്തിന് അംഗീകാരങ്ങൾ കൊണ്ടുവരാൻ കഴിവുള്ള പുതിയ തലമുറ കായികതാരങ്ങളെ വളർത്തിയെടുക്കുക, എന്നിങ്ങനെയുള്ള കായിക മന്ത്രാലയത്തിൻ്റെ ശ്രമങ്ങളെയാണ് ഇത് എടുത്തുകാണിക്കുന്നത്.

The 37th Italian Super Cup is set to begin today in Riyadh, Saudi Arabia, marking the fourth time the tournament is being held in the kingdom.