കാക്കനാട്: കൊച്ചി കാക്കനാട് വാഴക്കാലയില്‍ ആക്രിക്കടയില്‍ വന്‍ തീപിടിത്തം. ഫയര്‍ഫോഴ്‌സ് എത്തി തീയണക്കാന്‍ ശ്രമം തുടരുകയാണ്. ഇന്ന് രാവിലെയാണ് തീപിടിത്തമുണ്ടായത്. വെല്‍ഡിങിനിടെയാണ് തീപിടിത്തമുണ്ടായതെന്നാണ് വിവരം. 

ജനവാസമേഖലയിലുള്ള ആക്രിക്കടയിലാണ് വന്‍ തീപിടിത്തുമുണ്ടായത്. സ്ഥലത്തു നിന്ന് ആളുകളെ മാറ്റിയിട്ടുണ്ട്. ആക്രിക്കടയിലെ തീ വലിയ രീതിയില്‍ ആളിപടരുകയാണ്. പ്രദേശത്താകെ വലിയരീതിയില്‍ പുക ഉയരുകയാണ്. 

 മേരി മാതാ സ്‌കൂള്‍ ഉള്‍പ്പെടെയുള്ള സ്ഥലത്തിന് സമീപമാണ് തീപിടിത്തം ഉണ്ടായത്. ഞായറാഴ്ചയായതിനാല്‍ സ്‌കൂള്‍ ഉള്‍പ്പെടെ പ്രവര്‍ത്തിക്കാത്തതിനാല്‍ വലിയ ആശങ്ക ഒഴിഞ്ഞു.