അബൂദബി: ലോകത്തെ ഏറ്റവും മികച്ച പാസ്‌പോര്‍ട്ടുകളില്‍ ഒന്നായി യു.എ.ഇയുടെത്. മികച്ച ആദ്യ പത്ത് പാസ്‌പോര്‍ട്ടുകളില്‍ യു.എ.ഇയുടെതും ഉള്‍പ്പെട്ടതായി ഹെന്‍ലി & പാര്‍ട്‌ണേഴ്‌സ് പുറത്തുവിട്ട പട്ടകയില്‍ പറയുന്നു. ഇന്റര്‍നാഷണല്‍ എയര്‍ ട്രാന്‍സ്‌പോര്‍ട്ട് അതോറിറ്റി (IATA) നല്‍കിയ വിവരങ്ങള്‍ അടിസ്ഥാനമാക്കിയാണ് റാങ്ക് പട്ടിക തയാറാക്കിയത്. 

2022ലും 2023ലും 15ാം സ്ഥാനത്തായിരുന്ന യു.എ.ഇയുടെ റാങ്കിംഗ് കഴിഞ്ഞവര്‍ഷം 11ാം സ്ഥാനത്തെത്തിയിരുന്നു. ഇതാണ് ഈ വര്‍ഷമായപ്പോഴേക്ക് ഒരു റാങ്ക് കൂടി ഉയര്‍ന്ന് പത്തിലെത്തിയത്. ലാത്വിയ, ലിത്വാനിയ, സ്ലോവേനിയ എന്നീ രാജ്യങ്ങളും യു.എ.ഇയോടൊപ്പം പത്താം സ്ഥാനം പങ്കിട്ടു. 2017ല്‍ 38ാം സ്ഥാനത്തായിരുന്നു യുഎഇ. മറ്റ് ഗള്‍ഫ് രാജ്യങ്ങളില്‍ ഖത്തര്‍ 47ാം സ്ഥാനത്തും കുവൈത്ത് 50ാം സ്ഥാനത്തും ബഹ്‌റൈന്‍, സൗദി അറേബ്യ 58ാം സ്ഥാനത്തും ഒമാന്‍ 59ാം സ്ഥാനത്തും നില്‍ക്കുന്നു.

ആഗോളതലത്തില്‍ വിസയില്ലാതെ (195 visa-free destinations) 195 ലക്ഷ്യങ്ങളിലേക്ക് സഞ്ചരിക്കാന്‍ കഴിയുന്ന സിംഗപ്പൂരിന്റെ പാസ്‌പോര്‍ട്ട് ആണ് ഏറ്റവും മികച്ച പാസ്‌പോര്‍ട്ടായി പട്ടികയില്‍ ഇത്തവണയും മുന്നില്‍. 2024 ല്‍ ഫ്രാന്‍സ്, ജര്‍മ്മനി, ഇറ്റലി, ജപ്പാന്‍, സ്‌പെയിന്‍ എന്നീ രാജ്യങ്ങളുടെ പാസ്‌പോര്‍ട്ടുകളും ഏറ്റവും ശക്തമായ റാങ്കിംഗില്‍ ഇടം നേടിയിരുന്നുവെങ്കിലും  ഈ വര്‍ഷം അവയെല്ലാം ഒന്നാം സ്ഥാനത്ത് നിന്ന് പിന്തള്ളപ്പെട്ടു.

ഈ വര്‍ഷം ജപ്പാന്‍ ആണ് രണ്ടാം സ്ഥാനത്തെത്തിയത്. ഫിന്‍ലാന്‍ഡ്, ഫ്രാന്‍സ്, ജര്‍മ്മനി, ഇറ്റലി, ദക്ഷിണ കൊറിയ, സ്‌പെയിന്‍ എന്നിവ മൂന്നാം സ്ഥാനത്തെത്തി. ഇവയുടെ പാസ്‌പോര്‍ട്ട് ഉള്ളവര്‍ക്ക് 192 രാജ്യങ്ങളിലേക്ക് വിസയില്ലാതെ യാത്രചെയ്യാനാകും.

യു.എ.ഇ പാസ്‌പോര്‍ട്ട് ഉടമകള്‍ക്ക് വിസയില്ലാതെ പോകാന്‍ കഴിയുന്ന ചില രാജ്യങ്ങള്‍:

• കാനഡ
  ചൈന
  ഡെന്‍മാര്‍ക്ക്
  ഫിന്‍ലാന്‍ഡ്
  ജര്‍മ്മനി
  ഗ്രീസ്
  ജപ്പാന്‍
  മാലിദ്വീപ്
  മൗറീഷ്യസ്
  മൊറോക്കോ
  ന്യൂസിലാന്‍ഡ്
  നോര്‍വേ
  സിംഗപ്പൂര്‍
  സ്‌പെയിന്‍
  സ്വിറ്റ്‌സര്‍ലന്‍ഡ്
  തായ്‌ലന്‍ഡ്
  തുര്‍ക്കി
  യുകെ

ഇന്ത്യന്‍ പാസ്‌പോര്‍ട്ടിന്റെ റാങ്ക് എത്ര ?

025 ല്‍ ഇന്ത്യയുടെ പാസ്‌പോര്‍ട്ട് റാങ്കിംഗ് മുന്‍ വര്‍ഷത്തേക്കാള്‍ അഞ്ച് സ്ഥാനങ്ങള്‍ കുറഞ്ഞ് 85ാം സ്ഥാനത്തേക്ക് താഴ്ന്നു.
ഇന്ത്യന്‍ പാസ്‌പോര്‍ട്ട് റാങ്കിംഗ് വര്‍ഷങ്ങളായി ഗണ്യമായ ഏറ്റക്കുറച്ചിലുകള്‍ ഉണ്ടായിട്ടുണ്ട്. ഹെന്‍ലി പാസ്‌പോര്‍ട്ട് സൂചികയില്‍ 2024 ല്‍ ഇന്ത്യയുടെ സ്ഥാനം 80 ആയിരുന്നു. 2021 ല്‍ 90ലേക്ക് താഴ്ന്നിരുന്നു. 2006 ല്‍ 71ാം സ്ഥാനത്തും എത്തുകയുണ്ടായി.

2025ലെ ശക്തമായ പാസ്‌പ്പോര്‍ട്ട് 

1. Singapore (195 destinations)

2. Japan (193)

3. France, Germany, Italy, Spain, Finland, South Korea (192)

4. Austria, Denmark, Ireland, Luxembourg, Netherlands, Sweden, Norway (191)

5. Belgium, New Zealand, Portugal, Switzerland, United Kingdom (190)

6. Greece, Australia (189)

7. Canada, Poland, Malta (188)

8. Hungary, Czechia (187)

9. Estonia, United States (186)

10. Lithuania, Latvia, Slovenia, United Arab Emirates (185)

UAE passport ranked 10th strongest globally in 2025