മുംബൈ: നീണ്ട കാത്തിരിപ്പിനു ശേഷം ഇംഗ്ലണ്ടിനെതിരായ പരമ്പരയില്‍ ഇന്ത്യയുടെ നീലകുപ്പായത്തില്‍ പന്തെറിയാന്‍ പേസ് ബൗളര്‍ മുഹമ്മദ് ഷമി. ഈ മാസം 22നി ആരംഭിക്കുന്ന ഇംഗ്ലണ്ടിനെതിരായ അഞ്ച് മത്സരങ്ങളുള്ള ട്വന്റി20 പരമ്പരയ്ക്കുള്ള ടീമിലേക്ക് സീനിയര്‍ പേസറായ ഷമിയെ അജിത് അഗാര്‍ക്കറുടെ നേതൃത്വത്തിലുള്ള സെലക്ഷന്‍ കമ്മിറ്റി തിരിച്ചുവിളിക്കുകയായിരുന്നു. 

വേണ്ടത് വെറും 5 വിക്കറ്റുകൾ; തിരിച്ചുവരവിൽ ചരിത്രകുറിക്കാൻ ഷമിക്ക് സുവർണാവസരം

മുഹമ്മദ് ഷമിയുടെ ഇന്ത്യന്‍ ക്രിക്കറ്റ് ടീമിലേക്കുള്ള തിരിച്ചുവരവിനെ ചുറ്റിപ്പറ്റിയുള്ള സസ്‌പെന്‍സിനാണ് ഇതോടെ അവസാനമായിരിക്കുന്നത്. ആസ്‌ട്രേലിയയില്‍ നടന്ന ബോര്‍ഡര്‍ ഗവാസ്‌കര്‍ ട്രോഫിയില്‍ ഇന്ത്യക്കായി ഷമി പന്തെറിയുമെന്ന് പ്രതീക്ഷിച്ചിരുന്നെങ്കിലും അതുണ്ടായില്ല. ഷമിയുടെ അഭാവത്തില്‍ 3-1ന് ഇന്ത്യക്ക് പരമ്പര നഷ്ടമായിരുന്നു. 

ഒരു വര്‍ഷത്തിലേറെയായി കണങ്കാലിലെ പരുക്കിനെ തുടര്‍ന്ന് സജീവ ക്രിക്കറ്റില്‍ നിന്ന് വിട്ടുനില്‍ക്കുന്ന താരം  സയ്യിദ് മുഷ്താഖ് അലി ട്രോഫിയിലൂടെയാണ് കളിക്കളത്തിലെക്ക് വീണ്ടും തിരിച്ചെത്തിയത്.

ഇനി കളികൾ രാജസ്ഥാന്റെ 'റോയൽസിനൊപ്പം'; ചരിത്രത്തിലെ ആദ്യ ഇന്ത്യൻ താരമായി ദിനേശ് കാർത്തിക്

ഡിസംബര്‍ മാസത്തില്‍ നിരവധി ആഭ്യന്തര മത്സരങ്ങള്‍ കളിക്കുകയും ദേശീയ ക്രിക്കറ്റ് അക്കാദമിയില്‍ നിന്ന് (എന്‍സിഎ) ഗ്രീന്‍ സിഗ്‌നല്‍ ലഭിക്കുകയും ചെയ്തതിനെ തുടര്‍ന്നാണ്് ഷമിക്ക് ഇന്ത്യന്‍ ടീമിലേക്ക് വീണ്ടും വിളി വന്നിരിക്കുന്നത്. 

ശനിയാഴ്ച പ്രഖ്യാപിച്ച സൂര്യകുമാര്‍ യാദവിന്റെ നേതൃത്വത്തിലുള്ള ട്വന്റി20 ടീമില്‍  റിഷഭ് പന്തിന് പകരം സഞ്ജു സാംസണെയാണ് ഒന്നാം നമ്പര്‍ വിക്കറ്റ് കീപ്പര്‍ബാറ്ററായി തിരഞ്ഞെടുത്തിരിക്കുന്നത്. ധ്രുവ് ജുറലാണ് ബാക്കപ്പ് വിക്കറ്റ് കീപ്പര്‍. ഓള്‍റൗണ്ടര്‍ അക്‌സര്‍ പട്ടേലാണ് ടീമിന്റെ വൈസ് ക്യാപ്റ്റന്‍.

2023 ഏകദിന ലോകകപ്പിലെ പ്രാരംഭ മത്സരങ്ങള്‍ നഷ്ടമായിട്ടും മുന്‍നിര വിക്കറ്റ് വേട്ടക്കാരനായി ടൂര്‍ണമെന്റ് അവസാനിപ്പിക്കാന്‍ ഷമിക്കു കഴിഞ്ഞിരുന്നു. 

2022 ലെ ട്വന്റി20 ലോകകപ്പിന്റെ സെമി ഫൈനലില്‍ ഇംഗ്ലണ്ടിനെ 10 വിക്കറ്റിന് തകര്‍ത്തതിന് ശേഷം കുട്ടിക്രിക്കറ്റില്‍ ഇന്ത്യയെ പ്രതിനിധീകരിക്കാന്‍ ഷമിക്കു കഴിഞ്ഞിരുന്നില്ല. എങ്കിലും മൂന്നു ഫോര്‍മാറ്റുകളിലുടനീളം ഷമി ഇന്ത്യന്‍ ടീമിന് ഒരു മുതല്‍ക്കൂട്ടായിരുന്നു. 2019 മുതലുള്ള ഐപിഎല്‍ സീസണുകളില്‍ മികച്ച അഞ്ച് വിക്കറ്റ് വേട്ടക്കാരില്‍ ഒരാളാണ് ഷമി. 2023ല്‍ 18.64 ശരാശരിയില്‍ 28 വിക്കറ്റ് വീഴ്ത്തിയ മുന്‍നിര വിക്കറ്റ് വേട്ടക്കാരനായിരുന്നു ഷമി.

രാഹുലിന് തിരിച്ചടി; ഇംഗ്ലണ്ടിനെതിരായ ഏകദിന പരമ്പരയില്‍ കളിക്കണമെന്ന് ബിസിസിഐ

കണങ്കാലിന് പരുക്കേറ്റില്ലായിരുന്നുവെങ്കില്‍ കഴിഞ്ഞ വര്‍ഷത്തെ ട്വന്റി20 ലോകകപ്പ് ടീമില്‍ ഷമി ഇടംപിടിക്കുമായിരുന്നു.  ലോകകപ്പ് അല്ലെങ്കില്‍ ഏഷ്യാ കപ്പ് പോലുള്ള പ്രധാന ഇവന്റുകള്‍ക്കായി മാത്രം പ്രധാന പേസ് ബൗളര്‍മാരെ തിരഞ്ഞെടുക്കുന്ന രീതിയാണ് അടുത്ത കാലത്തായി ബിസിസിഐ അവലംബിക്കുന്ന രീതി. പ്രത്യേകിച്ച് പേസ് ബൗളര്‍മാരായ ബുംറയേയും ഷമിയേയും.

അഞ്ച് ട്വന്റി20 മത്സരങ്ങളും ഷമി കളിക്കുമെന്ന് പ്രതീക്ഷിക്കുന്നില്ല. എങ്കിലും ഏറ്റവും ചുരുങ്ങിയത് മൂന്നു മത്സരങ്ങളില്‍ എങ്കിലും അദ്ദേഹം പന്തെറിയുമെന്നാണ് പ്രതീക്ഷിക്കപ്പെടുന്നത്. 

സിഡ്‌നിയിൽ കൊടുങ്കാറ്റായി സ്മിത്ത്; മിന്നൽ സെഞ്ച്വറിയിൽ പിറന്നത് വമ്പൻ നേട്ടം

നേരത്തേ സഞ്ജയ് മഞ്ജരേക്കറെ വിമര്‍ശിച്ച് മുഹമ്മദ് ഷമി രംഗത്തെത്തിയിരുന്നു. 2025ലെ ഐപിഎല്‍ ലേലത്തില്‍  ഷമിയുടെ മൂല്യം കുറയുമെന്ന് പറഞ്ഞതാണ് ഷമിയെ ചൊടിപ്പിച്ചത്. പരുക്കിന്റെ കാലത്ത് നേരിട്ട വിമര്‍ശനങ്ങളും പരിഹാസങ്ങളും മറികടന്ന് തീതുപ്പുന്ന പന്തുകളുമായി നീലകുപ്പായത്തില്‍ ഷമിയെ കാണാമെന്ന പ്രതീക്ഷയിലാണ് ഇന്ത്യന്‍ ക്രിക്കറ്റ് പ്രേമികള്‍.

An ankle injury, criticized by commentators; Muhammad Shami is finally ready to make a comeback