ഇംഗ്ലണ്ടിനെതിരായ ട്വന്റി ട്വന്റി പരമ്പരക്കുള്ള ഇന്ത്യൻ ടീമിനെ പ്രഖ്യാപിച്ചിരുന്നു. ടീമിൽ മുഹമ്മദ് ഷമി ഇടം നേടിയതാണ് ഏറെ ശ്രദ്ധേയമായത്. പരുക്കേറ്റ ഷമി നീണ്ട കാലത്തോളം ഇന്ത്യൻ ക്രിക്കറ്റ് ടീമിൽ നിന്നും പുറത്തായിരുന്നു. 2023 നവംബറിൽ ആണ് അവസാനമായി ഷമി ഇന്ത്യക്ക് വേണ്ടി കളിച്ചത്. എന്നാൽ പരുക്ക് വില്ലനായി എത്തിയതോടെ ഷമി ഇത്രയും കാലം ഇന്ത്യൻ ടീമിൽ നിന്നും പുറത്താവുകയായിരുന്നു. ഇപ്പോൾ താരം പരുക്കിൽ നിന്നും മുക്തി നേടിക്കൊണ്ട് ഇംഗ്ലണ്ടിനെതിരെയുള്ള പരമ്പരയിൽ വീണ്ടും ഷമി തിരിച്ചെത്തിയിരിക്കുകയാണ്. 

ഇംഗ്ലണ്ടിനെതിരെയുള്ള ഏകദിന പരമ്പരയ്ക്കുള്ള ഇന്ത്യൻ ടീമിലും ഷമി ഇടം നേടുമെന്നാണ് പ്രതീക്ഷിക്കുന്നത്. തിരിച്ചുവരവിൽ ഷമിയെ കാത്തിരിക്കുന്നത് ഒരു തകർപ്പൻ നേട്ടമാണ്. ഇംഗ്ലണ്ടിനെതിരെയുള്ള ഏകദിന മത്സരങ്ങളിൽ അഞ്ചു വിക്കറ്റുകൾ നേടാൻ ഷമിക്ക് നസാധിച്ചാൽ ഏറ്റവും വേഗത്തിൽ 200 വിക്കറ്റുകൾ നേടുന്ന താരമായി ഷമിക്ക് മാറാൻ സാധിക്കും. 

നിലവിൽ 100 ഏകദിന ഇന്നിംഗ്‌സുകളിൽ നിന്നും 195 വിക്കറ്റുകളാണ്‌ ഷമി നേടിയത്. ഏകദിനത്തിൽ 102 ഇന്നിംഗ്‌സുകളിൽ നിന്നുമായി 200 വിക്കറ്റുകൾ നേടിയ മിച്ചൽ സ്റ്റാർക്ക് ആണ് ഈ നേട്ടത്തിൽ ഒന്നാം സ്ഥാനത്തുള്ളത്. സ്റ്റാർക്കിനെ മറികടക്കണമെങ്കിൽ ആദ്യ മത്സരത്തിൽ തന്നെ ഷമി അഞ്ചു വിക്കറ്റുകൾ വീഴ്ത്തണം.

ഏകദിനത്തിൽ ഏറ്റവും വേഗത്തിൽ 200 വിക്കറ്റുകൾ നേടിയ ഇന്ത്യൻ താരം അജിത് അഗാർക്കർ ആണ്. 133 മത്സരങ്ങളിൽ നിന്നുമാണ് അഗാർക്കർ ഈ നേട്ടത്തിലെത്തിയത്. ഷമിയുടെ മുന്നിൽ ഒരുപാട് മത്സരങ്ങൾ ഇനി ഉള്ളതിനാൽ അഗാർക്കറുടെ ഈ റെക്കോർഡ് വളരെ എളുപ്പത്തിൽ ഷമിക്ക് തകർക്കാൻ സാധിക്കും.

ഇംഗ്ലണ്ടിനെതിരെയുള്ള ട്വന്റി ട്വന്റിയും പരമ്പര. ജനുവരി 22 മുതൽ ഫെബ്രുവരി രണ്ട് വരെയാണ് നടക്കുക. ഇതിനു ശേഷം ഫെബ്രുവരി ആറ് മുതൽ 12 വരെ മൂന്ന് ഏകദിന മത്സരങ്ങളും നടക്കും. ഈ പരമ്പരക്കായുള്ള ഇന്ത്യൻ ടി-20 സ്‌ക്വാഡിനെ വൈകാതെ തന്നെ പ്രഖ്യാപിക്കുമെന്നാണ് പ്രതീക്ഷിക്കുന്നത്.