തൃശൂര്‍: തൃശൂര്‍ പ്രസ് ക്ലബ്ബിന്റെ മൂന്നാമത് ടി.വി അച്യുത വാര്യര്‍ സ്മാരക മാധ്യമപുരസ്‌കാരസമര്‍പ്പണവും അച്യുതവാര്യര്‍ അനുസ്മരണവും ഈ മാസം നാലിന് സാഹിത്യ അക്കാദമി ചങ്ങമ്പുഴ ഹാളില്‍ നടക്കും. കൃഷി മന്ത്രി വി.എസ് സുനില്‍കുമാര്‍ പുരസ്‌കാരസമര്‍പ്പണം നിര്‍വഹിക്കും. സി.എ കൃഷ്ണന്‍ അച്യുതവാര്യര്‍ അനുസ്മരണപ്രഭാഷണവും, സമൂഹത്തില്‍ നാലാംതൂണിന്റെ പ്രസക്തി എന്ന വിഷയത്തില്‍ എഴുത്തുകാരി സാറാ ജോസഫും സംസാരിക്കും. വിവിധ പുരസ്‌കാരങ്ങള്‍ക്ക് അര്‍ഹരായ മാധ്യമപ്രവര്‍ത്തകര്‍ക്കുള്ള പുരസ്‌കാരങ്ങളും യോഗത്തില്‍ സമ്മാനിക്കും. പ്രസ് ക്ലബ്ബ് പ്രസിഡന്റ് സന്തോഷ് ജോണ്‍ തൂവല്‍ യോഗത്തില്‍ അധ്യക്ഷനാകും.