ബിരിക്കുളം: ബിരിക്കുളം - കരിയാര്‍പ്പ് റോഡ് പതിച്ചു നല്‍കരുതെന്ന് എഡി.എം പരപ്പ വില്ലേജ് ഓഫിസര്‍ക്കു നിര്‍ദേശം നല്‍കി. പ്രസ്തുത റോഡ് അതുപോലെ തന്നെ നിലനിര്‍ത്താനാണു നിര്‍ദേശം.  അറുപതു വര്‍ഷത്തോളം പഴക്കമുള്ള ഈ റോഡ് സ്വകാര്യ വ്യക്തിക്കു പതിച്ചു നല്‍കിയതു സംബന്ധിച്ച് സുപ്രഭാതം വാര്‍ത്ത നല്‍കിയിരുന്നു. പട്ടികജാതി, പട്ടിക വര്‍ഗ, പിന്നോക്ക വിഭാഗങ്ങളുള്‍പ്പെടെ അന്‍പതോളം കുടുംബങ്ങള്‍ക്കു ഉപകാരപ്രദമായ റോഡാണിത്.
പഞ്ചായത്ത് ഏറ്റെടുത്തിരുന്നെങ്കിലും പൂര്‍ണമായും ഗതാഗത യോഗ്യമാക്കിയിരുന്നില്ല. എല്ലാ വര്‍ഷവും നാട്ടുകാരാണ് റോഡിന്റെ അറ്റകുറ്റപ്പണികള്‍ ചെയ്തിരുന്നത്.