അമേരിക്കയിൽ ഗൂഗിൾ മാപ്പ് ആപ്പ് ഉപയോഗിക്കുന്ന ആളുകൾക്ക്, ഗൂഗിൾ മാപ്പ് ഗൾഫ് ഓഫ് മെക്സിക്കോയുടെ പേര് ഗൾഫ് ഓഫ് അമേരിക്ക എന്നാക്കി മാറ്റി.ഔദ്യോഗിക സർക്കാർ സ്രോതസ്സുകൾ അപ്‌ഡേറ്റ് ചെയ്യുന്ന പേര് മാറ്റങ്ങൾ പിന്തുടരുന്ന "ദീർഘകാലമായുള്ള രീതിയുടെ" ഭാഗമായാണ് ഈ മാറ്റം വരുത്തുന്നതെന്ന് ഈ മാറ്റത്തെ വിശദീകരിച്ചുകൊണ്ട് ഗൂഗിൾ പറഞ്ഞു.

യുഎസ്, ക്യൂബ, മെക്സിക്കോ എന്നിവയുമായി അതിർത്തി പങ്കിടുന്ന ഗൾഫ് - മെക്സിക്കോയിൽ ആപ്പ് ഉപയോഗിക്കുന്ന ആളുകൾക്ക് മാറ്റമുണ്ടാകില്ലെന്നും ലോകത്തിലെ മറ്റിടങ്ങളിലെ ഉപയോക്താക്കൾക്ക് "ഗൾഫ് ഓഫ് മെക്സിക്കോ (ഗൾഫ് ഓഫ് അമേരിക്ക)" എന്ന ലേബൽ കാണുമെന്നും ​ഗൂ​ഗിൾ പറഞ്ഞു.

കഴിഞ്ഞ മാസം പ്രസിഡന്റ് ഡൊണാൾഡ് ട്രംപ് അധികാരത്തിൽ തിരിച്ചെത്തിയ ശേഷം യുഎസ് സർക്കാർ രേഖകളിൽ ജലാശയത്തിന്റെ പേര് മാറ്റാൻ ഉത്തരവിട്ടതിന് ശേഷമാണ് ഈ മാറ്റം എന്നത് ശ്രദേയമാണ്.ഗൾഫ് ഓഫ് മെക്സിക്കോയുടെ പേര് മാറ്റാൻ യുഎസിന് നിയമപരമായ അവകാശമില്ലെന്ന് വാദിച്ചുകൊണ്ട് മെക്സിക്കോ ഈ നീക്കത്തെ അപലപിച്ചിരുന്നു.

ആഭ്യന്തര വകുപ്പിന് കീഴിലുള്ള യുഎസ് ഗവൺമെന്റ് ഡാറ്റാബേസായ ജിയോഗ്രാഫിക് നെയിംസ് ഇൻഫർമേഷൻ സിസ്റ്റം, .ഗൾഫ് ഓഫ് മെക്സിക്കോയുടെ പേരിലേക്കുള്ള ഒരു അപ്‌ഡേറ്റ് പട്ടികപ്പെടുത്തിയതിന് ശേഷമാണ് തിങ്കളാഴ്ച ഗൂഗിൾ ഈ മാറ്റം വരുത്തിയത്.

ലിസ്റ്റിൽ ഇങ്ങനെ പറയുന്നത് : "മുമ്പ് മെക്സിക്കോ ഉൾക്കടൽ എന്നറിയപ്പെട്ടിരുന്ന, ശരാശരി 5300 അടി ആഴമുള്ള, അമേരിക്കയുടെ ഉൾക്കടൽ, വടക്കേ അമേരിക്കയുമായി അതിർത്തി പങ്കിടുന്നതും ഏതാണ്ട് കരയാൽ ചുറ്റപ്പെട്ടതുമായ ഒരു പ്രധാന ജലാശയമാണ്, യുഎസിലെ ഗൾഫിന്റെ കിഴക്കൻ, വടക്കൻ, വടക്കുപടിഞ്ഞാറൻ തീരങ്ങളും മെക്സിക്കോയിലെ തെക്കുപടിഞ്ഞാറൻ, തെക്കൻ തീരങ്ങളും ഇതിന്റെ ഭാഗമാണ്."

"അമേരിക്കൻ മഹത്വത്തെ ബഹുമാനിക്കുന്ന പേരുകൾ പുനഃസ്ഥാപിക്കുന്നതിനുള്ള" ട്രംപിന്റെ എക്സിക്യൂട്ടീവ് ഉത്തരവിന് അനുസൃതമായാണ് ഈ മാറ്റം വരുത്തിയതെന്ന് അതിൽ പറയുന്നു .ഉത്തരവിൽ ഒപ്പുവെച്ചതിനെത്തുടർന്ന്, പ്രസിഡന്റ് ട്രംപ് ഫെബ്രുവരി 9 "അമേരിക്ക ഉൾക്കടൽ ദിനം" ആയി പ്രഖ്യാപിച്ചു ."ദിനാചരണ പരിപാടികൾ, ചടങ്ങുകൾ, പ്രവർത്തനങ്ങൾ എന്നിവയോടെ ഈ ദിവസം ആചരിക്കാൻ ഞാൻ പൊതു ഉദ്യോഗസ്ഥരോടും അമേരിക്കയിലെ എല്ലാ ജനങ്ങളോടും അഭ്യർത്ഥിക്കുന്നതായി," വൈറ്റ് ഹൗസ് പ്രസ്താവന പുറത്തിറക്കുകയും ചെയ്തിരുന്നു.

ഗൾഫ് ഓഫ് മെക്സിക്കോയുടെ പേര് മാറ്റാനുള്ള തീരുമാനം പുനഃപരിശോധിക്കണമെന്ന് മെക്സിക്കോ പ്രസിഡന്റ് ക്ലോഡിയ ഷെയിൻബോം ഗൂഗിളിനോട് ആവശ്യപ്പെട്ടിരുന്നു.ഐക്യരാഷ്ട്രസഭയുടെ സമുദ്ര നിയമ ഉടമ്പടി പ്രകാരം ഒരു രാജ്യത്തിന്റെ പരമാധികാര പ്രദേശം തീരപ്രദേശത്ത് നിന്ന് 12 നോട്ടിക്കൽ മൈൽ വരെ മാത്രമേ വ്യാപിക്കാവൂ എന്ന് അനുശാസിക്കുന്നതിനാൽ ഗൾഫിന്റെ പേര് യുഎസിന് നിയമപരമായി മാറ്റാൻ കഴിയില്ലെന്ന് മെക്സിക്കോ വാദിച്ചു.

ജനുവരി 20-ന് ഒപ്പുവച്ച ട്രംപിന്റെ എക്സിക്യൂട്ടീവ് ഉത്തരവിൽ, വടക്കേ അമേരിക്കയിലെ ഏറ്റവും ഉയരം കൂടിയ പർവതമായ - മുമ്പ് മൗണ്ട് ഡെനാലി എന്നറിയപ്പെട്ടിരുന്ന - മൗണ്ട് മക്കിൻലി എന്ന് പുനർനാമകരണം ചെയ്യാനും ഉത്തരവിട്ടിരുന്നു. ഗൂഗിൾ മാപ്പിൽ ഇതുവരെ അതിന്റെ പേര് മാറ്റിയിട്ടില്ല.