ഇടുക്കി: ഡ്രൈ ഡേ ദിനത്തിൽ അനധികൃതമായി മദ്യ വിൽപ്പന നടത്തിയ കേസിൽ സി.പി.എം ബ്രാഞ്ച് സെക്രട്ടറി എക്സൈസ് പിടിയിലായി. ഓടക്ക സിറ്റി ഈസ്റ്റ് ബ്രാഞ്ച് സെക്രട്ടറിയും ഓട്ടോറിക്ഷാ ഡ്രൈവറുമായ പ്രവീൺ കുര്യാക്കോസ് ആണ് പിടിയിലായത്.

പിടികൂടിയ ഇയാളുടെ കൈയിൽ നിന്ന് ഒമ്പത് ലിറ്റർ മദ്യം എക്സൈസ് സംഘം കണ്ടെടുത്തിട്ടുണ്ട്. കൂടാതെ, മദ്യം കടത്താൻ ഉപയോഗിച്ച ഓട്ടോറിക്ഷയും കസ്റ്റഡിയിൽ എടുത്തു.സംഭവത്തിന് പിന്നാലെ കടുത്ത നടപടിയെടുത്ത് പ്രവീൺ കുര്യാക്കോസിനെ  സി.പി.എം പാർട്ടിയിൽ നിന്ന് പുറത്താക്കിയതായി സംഘടന അറിയിച്ചു.