മൂന്നു ദിവസത്തെ മുന്നേത്തിന് ശേഷം കേരളത്തില്‍ ഇന്ന് സ്വര്‍ണവിലയില്‍ വന്‍ ഇടിവ്. ഒറ്റയടിക്ക് തന്നെ 400ലേറെ രൂപയാണ് കുറഞ്ഞിരിക്കുന്നത്.   കഴിഞ്ഞ മൂന്നു ദിവസത്തിനിടെ ഗ്രാമിന് 190 രൂപയും പവന് 1,520 രൂപയും കൂടിയശേഷമാണ് ഇന്നു പൊടുന്നനെ വില തല കീഴായി മറിഞ്ഞത്. യുഎസ് പ്രസിഡന്റ് ഡൊണാള്‍ഡ് ട്രംപ് കൊണ്ടുവന്ന 'എ ബിഗ്, ബ്യൂട്ടിഫുള്‍' നികുതിനിയമമാണ് വിപണിയിലെ ചാഞ്ചാട്ടത്തിന് കാരണം. യു.എസില്‍ ജൂണിലെ പുതിയ തൊഴില്‍ക്കണക്ക് പ്രവചനങ്ങളെ കടത്തിവെട്ടി ഉയര്‍ന്നതും സ്വര്‍ണത്തിനു തിരിച്ചടിയായി.

കേരളത്തില്‍ മൂന്നു ദിവസത്തെ മുന്നേറ്റത്തിന് ബ്രേക്കിട്ട് സ്വര്‍ണവിലയില്‍ ഇന്നു വന്‍ കുറവ്. ഗ്രാമിന് ഒറ്റയടിക്ക് 55 രൂപ കുറഞ്ഞ് വില 9,050 രൂപയും പവന് 440 രൂപ താഴ്ന്ന് 72,400 രൂപയുമായി.

ബിഗ്, ബ്യൂട്ടിഫുള്‍ നികുതി നിയമം യുഎസിന്റെ അതിവേഗ സാമ്പത്തിക വളര്‍ച്ചയാണ് ഉന്നമിടുന്നതെന്നാണ് ട്രംപ് വ്യക്തമാക്കിയിരുന്നത്. ഇത് ഡോളറിന്റെ കരുത്ത് കൂട്ടി. യു.എസില്‍ ജൂണിലെ പുതിയ തൊഴില്‍ക്കണക്ക് പ്രവചനങ്ങളെ കടത്തിവെട്ടി ഉയര്‍ന്നതും ഡോളറിന്റെ കരുത്ത് കൂടാനിടയായി. ഡോളര്‍ ശക്തിപ്പെടുന്നത് എന്നും സ്വര്‍ണത്തെ ബാധിക്കും. സ്വര്‍ണം വാങ്ങുന്നത് ചെലവേറിയതാകുമെന്നും ഇതു സ്വര്‍ണത്തിന്റെ ഡിമാന്‍ഡിനെ ബാധിക്കുമെന്നും വിദഗ്ധര്‍ ചൂണ്ടിക്കാട്ടി. ഇസ് സ്വര്‍ണത്തിന്റെ ഡിമാന്‍ഡിനെ ബാധിക്കുമെന്നും വില കുറയാന്‍ ഇടയാക്കുമെന്നും വിദഗ്ധര്‍ പറയുന്നു.  

ഇന്നത്തെ വില അറിയാം
ഗ്രാമിന് 55 രൂപയാണ് 22 കാരറ്റ് സ്വര്‍ണത്തിന് ഇന്ന് കുറഞ്ഞത്. 9,050 രൂപയാണ് ഗ്രാം സ്വര്‍ണത്തിന്റെ വില. പവന്‍ സ്വര്‍ണത്തിന്  440 രൂപ കുറഞ്ഞ് 72,400 രൂപയാണ് ആയത്. 

24 കാരറ്റ് 
ഗ്രാം കുറഞ്ഞത് 60 രൂപ വില 9,873
പവന്‍ കുറഞ്ഞത് 480 രൂപ വില 78,984

22 കാരറ്റ് 
ഗ്രാം കുറഞ്ഞത് 55 രൂപ വില 9,050
പവന്‍ കുറഞ്ഞത് 440 രൂപ വില 72,400

18 കാരറ്റ്
ഗ്രാം കുറഞ്ഞത് 45രൂപ വില 7,405
പവന്‍ കുറഞ്ഞത് 360 രൂപ വില 59,240
ഇന്നലെ ആഗോള വിപണിയില്‍ വില കുറഞ്ഞിട്ടും കേരളത്തില്‍ വില കൂടുകയായിരുന്നു. ഇന്നലെ ഔണ്‍സിന് 3,360 ഡോളറിനടുത്തായിരുന്നു രാജ്യാന്തര സ്വര്‍ണവില. ഇന്നൊരുഘട്ടത്തില്‍ 3,324 ഡോളറിലേക്കു വീണു. ഇതും കേരളത്തില്‍ വില കുറയാന്‍ സഹായിച്ചു. വെള്ളി വില ഗ്രാമിന് 119 രൂപയില്‍ മാറ്റമില്ലാതെ നില്‍ക്കുകയാണ് കേരളത്തില്‍  

ALSO READ: ഗസ്സയില്‍ ഇന്നലെ പ്രയോഗിച്ചതില്‍ യു.എസിന്റെ ഭീമന്‍ ബോംബും; കൊല്ലപ്പെട്ടത് ആക്ടിവിസ്റ്റുകളും മാധ്യമപ്രവര്‍ത്തകരും ഉള്‍പെടെ 33 പേര്‍

ആഭരണം വാങ്ങുമ്പോള്‍ എത്ര നല്‍കണം
22 കാരറ്റ് സ്വര്‍ണത്തിന്റെ വിലയാണ് 72,400 രൂപ. ആഭരണമാവുമ്പോള്‍ ഇത് ഇനിയും കൂടും. 22 കാരറ്റ് സ്വര്‍ണം പവന് 79000 രൂപ വരെ ചെലവ് വരുമെന്നാണ് വ്യാപാരികള്‍ പറയുന്നത്. കുറഞ്ഞ പണിക്കൂലിയായ അഞ്ച് ശതമാനത്തില്‍ കണക്കാക്കുമ്പോഴാണിത്. അതേസമയം, കൂടുതല്‍ ഡിസൈന്‍ ഉള്ള ആഭരണങ്ങള്‍ക്ക് പണിക്കൂലി വീണ്ടും കൂടും. അപ്പോള്‍ ആഭരണങ്ങളുടെ വിലയും വര്‍ധിക്കും. പണിക്കൂലിക്ക് പുറമെ മൂന്ന് ശതമാനം ജി.എസ്.ടിയും ഹാള്‍മാര്‍ക്കിങ് ചാര്‍ജും ഉപഭോക്താവ് നല്‍കേണ്ടതുണ്ട്.

ഇനി സ്വര്‍ണവില കുറയുമോ കൂടുമോ
 ട്രംപിന്റെ 'ബിഗ്, ബ്യൂട്ടിഫുള്‍' നികുതി നിയമം ഹ്രസ്വകാലത്തില്‍ ഡോളറിനു കരുത്താവും എന്നാല്‍ ദീര്‍ഘകാലത്തില്‍ നോക്കിയാല്‍ ഇത്  തിരിച്ചടിയാകുമെന്നാണ് വിദഗ്ധരുടെ വിലയിരുത്തല്‍. ഈ നിയമം യു.എസിന്റെ കടത്തില്‍ മൂന്നര ലക്ഷം കോടി ഡോളറിന്റെ അധികബാധ്യതക്ക് വഴിയൊരുക്കുന്നതാണെന്നും അവര്‍ ചൂണ്ടിക്കാട്ടുന്നു. ഇനിയും കടംവാങ്ങിക്കൂട്ടാന്‍ യു.എസ് സര്‍ക്കാര്‍ നിര്‍ബന്ധിതരാകും. ഇത് ഡോളറിന്റെ മൂല്യം, ഗവണ്‍മെന്റ് കടപ്പത്രത്തിന്റെ ആദായനിരക്ക് (ട്രഷറി ബോണ്ട് യീല്‍ഡ്) എന്നിവയെ ബാധിക്കുകയും ഇവ ദുര്‍ബലമാകുകയും ചെയ്യും. ഇത് സ്വര്‍ണ നിക്ഷേപങ്ങള്‍ക്ക് ഡിമാന്‍ഡ് കൂട്ടുമെന്നും സ്വര്‍ണവില ഉയരുമെന്നും അവര്‍ ചൂണ്ടിക്കാട്ടുന്നു. 

അതേസമയം, യു.എസില്‍ അടിസ്ഥാന പലിശനിരക്ക് കുറക്കാന്‍ ഫെഡറല്‍ റിസര്‍വ് വിസമ്മതിച്ചാല്‍ ഡോളറും ബോണ്ട് യീല്‍ഡും ഉയര്‍ന്ന നിലവാരത്തില്‍ തുടരുമെന്നും ഇതു സ്വര്‍ണവില കുറക്കുമെന്നും വിദഗ്ധര്‍ കൂട്ടിച്ചേര്‍ക്കുന്നു.