തൃശൂർ: കുണ്ടൂർ പുഴയിൽ ബോട്ട് മറിഞ്ഞ് യുവാവ് മരിച്ചു. കോട്ടയം പൊൻകുന്നം സ്വദേശിയായ അനന്തു ബിജു (26) ആണ് ദുരന്തത്തിനിരയായത്. ഇന്ന് വൈകീട്ടോടെയാണ് മാള കൊണ്ടൂർ ആറാട്ട് കടവിൽ അപകടം സംഭവിച്ചത്.

പെരുന്നാൾ ആഘോഷിക്കാൻ എത്തിയ കൂട്ടുകാരാണ് അപകടത്തിൽ പെട്ടത്. മാള കൊണ്ടൂർ സ്വദേശി ജിത്തുവിന്റെ വീട്ടിലേക്ക് പെരുന്നാൾ ആഘോഷത്തിന് എത്തിയതായിരുന്നു അനന്തു ബിജു. ബാംഗ്ലൂരിൽ ഒരുമിച്ച് ജോലി ചെയ്യുന്ന അഞ്ചംഗസംഘം ബോട്ടിൽ സഞ്ചരിക്കുമ്പോഴാണ് ബോട്ട് മറിഞ്ഞത്.

അനന്തു ബിജുവിനെ രക്ഷപ്പെടുത്താനായില്ല, മറ്റുള്ള 4 പേരെ സുരക്ഷിതമായി രക്ഷപ്പെടുത്തി. അപകടത്തിനിരയായ അനന്തുവിന്റെ മൃതദേഹം തൃശൂരിലെ സ്വകാര്യ ആശുപത്രിയിലേക്ക് മാറ്റി, പോസ്റ്റുമോർട്ടം നടപടികൾക്ക് ശേഷം ബന്ധുക്കൾക്ക് വിട്ടുനൽകും.