2025 ഐപിഎൽ ആരംഭിക്കാൻ ഇനി ദിവസങ്ങൾ മാത്രമേ ബാക്കിയുള്ളൂ. മാർച്ച് 21ണ് നടക്കുന്ന ആദ്യ മത്സരത്തിൽ നിലവിലെ ചാമ്പ്യന്മാരായ കൊൽക്കത്ത നൈറ്റ് റൈഡേഴ്‌സ് റോയൽ ചലഞ്ചേഴ്‌സ് ബാംഗ്ലൂരിനെയാണ് നേരിടുക. പുതിയ സീസണിൽ ആർസിബിയുടെ കിരീട സാധ്യതകളെക്കുറിച്ച് സംസാരിക്കുകയാണ് മുൻ പാകിസ്താൻ താരം റാഷിദ് ലത്തീഫ്. എംഎസ് ധോണി ഐപിഎൽ കളിക്കുന്നതോടത്തോളം കാലം ബാംഗ്ലൂരിന് കിരീടം നേടാൻ സാധിക്കില്ലെന്നാണ് മുൻ പാക് താരം പറഞ്ഞത്. 

'എംഎസ് ധോണി ചെന്നൈ സൂപ്പർ കിങ്സിൽ ഉള്ളിടത്തോളം കാലം റോയൽ ചലഞ്ചേഴ്‌സ് ബാംഗ്ലൂരിന് ഐപിഎൽ കിരീടം തൊടാൻ കഴിയുമെന്ന് എനിക്ക് തോന്നുന്നില്ല,' മുൻ പാകിസ്താൻ താരം പറഞ്ഞു. 

രജത് പടിദാറിന്റെ നേതൃത്വത്തിലാണ് ആർസിബി ഇത്തവണ ഇന്ത്യൻ പ്രീമിയർ ലീഗിൽ പോരാട്ടത്തിനറങ്ങുന്നത്.  മെഗാ ലേലത്തിന് മുമ്പായി വിരാട് കോഹ്‌ലി, യാഷ് ദയാൽ എന്നിവർക്കൊപ്പം ടീം നിലനിർത്തിയ മൂന്ന് താരങ്ങളിൽ ഒരാളായിരുന്നു പടിദാർ. 11 കോടി രൂപക്കായിരുന്നു താരത്തെ ആർസിബി നിലനിർത്തിയിരുന്നത്. 

ബാംഗ്ലൂരിന്റെ പുതിയ ക്യാപ്റ്റനായി കോഹ്‌ലി എത്തുമെന്ന വാർത്തകൾ ശക്തമായി നിലനിന്നിരുന്നു. എന്നാൽ വിരാടിനെ മറികടന്നുകൊണ്ടാണ് പടിദാർ ടീമിന്റെ പുതിയ നായകനായി ചുമതലയേറ്റത്, 2013 മുതൽ 2021 വരെയാണ് ബാംഗ്ലൂരിന്റെ ക്യാപ്റ്റനായി വിരാട് പ്രവർത്തിച്ചിട്ടുള്ളണ്ട്. 2016ൽ കലാശ പോരാട്ടത്തിലേക്ക് ബാംഗ്ലൂരിനെ കൊണ്ടുപോകാനും കോഹ്‌ലിക്ക്‌ സാധിച്ചിരുന്നു. എന്നാൽ ഫൈനലിൽ സൺറൈസേഴ്സ് ഹൈദെരാബാദിനോട് പരാജയപ്പെട്ടുകൊണ്ട് കോഹ്‌ലിക്കും സംഘത്തിനും കിരീടം നഷ്ടമാവുകയായിരുന്നു.

2022 മുതൽ 2024 വരെ ഫാഫ് ഡുപ്ലെസിസ് ആയിരുന്നു ബാംഗ്ലൂരിനെ നയിച്ചിരുന്നത്. എന്നാൽ കഴിഞ്ഞ വർഷം നവംബറിൽ അവസാനിച്ച മെഗാ ലേലത്തിൽ ഫാഫിനെ ടീമിൽ നിലനിർത്താതെ പോവുകയായിരുന്നു. പുതിയ ക്യാപ്റ്റന്റെ കീഴിൽ ബാംഗ്ലൂരിന്റെ കിരീട വരൾച്ച അവസാനിക്കുമോയെന്ന് കണ്ടുതന്നെ അറിയണം. 

2025 ഐപിഎല്ലിനുള്ള റോയൽ ചലഞ്ചേഴ്‌സ് ബാംഗ്ലൂർ സ്‌ക്വാഡ്

വിരാട് കോഹ്‌ലി, രജത് പതിദാർ(ക്യാപ്റ്റൻ), ദേവദത്ത് പടിക്കൽ, സ്വസ്തിക ചിക്കാര, ഫിൽ സാൾട്ട്(വിക്കറ്റ് കീപ്പർ), ജിതേഷ് ശർമ്മവിക്കറ്റ് കീപ്പർ, ലിയാം ലിവിംഗ്സ്റ്റൺ, ക്രുനാൽ പാണ്ഡ്യ, സ്വപ്നിൽ സിംഗ്, ടിം ഡേവിഡ്, റൊമാരിയോ ഷെപ്പേർഡ്, മനോജ് ഭണ്ഡാഗെ, ജേക്കബ് ബെഥേൽ, ജോഷ് ഹേസൽവുഡ്, റാസിഖ് ദാർ, ഭുവനേശ്വർ കുമാർ, നുവാൻ തുഷാര, യാഷ് ദയാൽ, ലുങ്കി എൻഗിഡി, അഭിനന്ദൻ സിംഗ്, സുയാഷ് ശർമ, മോഹിത് റാത്തി.