കൊച്ചി: കീം ഫലം റദ്ദാക്കിയ ഹൈക്കോടതി ഉത്തരവിനെതിരെ സർക്കാർ ഡിവിഷൻ ബെഞ്ചിൽ സമർപ്പിച്ച അപ്പീൽ തള്ളി. സിംഗിൾ ബെഞ്ചിന്റെ ഉത്തരവിന് സ്റ്റേ വേണമെന്ന് ആവശ്യപ്പെട്ടാണ് സംസ്ഥാന സർക്കാർ അപ്പീൽ നൽകിയിരുന്നത്. 

റാങ്ക് ലിസ്റ്റിന്റെ മാർക്ക് ഏകീകരണം ചോദ്യം ചെയ്തുകൊണ്ടുള്ള ഹരജിയിലാണ് ഹൈക്കോടതി കഴിഞ്ഞ ദിവസം ഉത്തരവ് പുറപ്പെടുവിച്ചത്.  പരീക്ഷയുടെ പ്രോസ്പെക്റ്റസിൽ പുറത്തിറക്കിയശേഷം ഡേറ്റേജ് മാറ്റിയത് നിയമപരമല്ലെന്ന് ചൂണ്ടിക്കാട്ടിയായിരുന്നു ഹൈക്കോടതി കീം ഫലം റദ്ദാക്കിയത്. 

 പഴയ ഫോർമുല ഉപയോഗിക്കുകയാണെങ്കിൽ ആദ്യ പത്തിൽ സംസ്ഥാന സിലബസ് പഠിച്ച ആരും തന്നെ ഉണ്ടാകില്ലെന്ന് സംസ്ഥാന സർക്കാർ ഡിവിഷൻ ബെഞ്ചിനെ അറിയിച്ചു. സംസ്ഥാന സിലബസ് വിദ്യാർത്ഥികൾ തമ്മിലുള്ള അസമത്വം അവസാനിപ്പിക്കാൻ വേണ്ടിയാണ് പ്രോസ്പെക്റ്റസിൽ മാറ്റം വരുത്തിയതെന്നും ഇത്തരത്തിൽ മാറ്റം വരുത്താൻ വ്യവസ്ഥയുണ്ടെന്നുമായിരുന്നു സർക്കാരിന്റെ വാദം.