മാനന്തവാടി: വയനാട് പേര്യ ചുരത്തിൽ ഓയിൽ ചോർച്ചയെത്തുടർന്ന് ബൈക്കുകൾ അപകടത്തിൽപ്പെട്ടു. റോഡിൽ ഓയിൽ വീണതറിയാതെ എത്തിയ രണ്ട് ഇരുചക്ര വാഹന യാത്രികരാണ് അപകടത്തിൽപ്പെട്ടത്. ചരക്ക് ലോറിയിൽ നിന്ന് ഓയിൽ ചോർന്നതാകാമെന്ന് കരുതുന്നു.

നാട്ടുകാർ വിവരമറിയിച്ചതിനെ തുടർന്ന് മാനന്തവാടി അഗ്നിരക്ഷാ സേന സ്ഥലത്തെത്തി ഓയിൽ നീക്കം ചെയ്ത് ഗതാഗതം പുനഃസ്ഥാപിച്ചു. സീനിയർ ഫയർ റെസ്ക്യൂ ഓഫീസർ പ്രഭാകരന്റെ നേതൃത്വത്തിൽ ഫയർ റെസ്ക്യൂ ഓഫീസർമാരായ രജീഷ്, രഞ്ജിത്ത്, രഘു, ബിജു എന്നിവരാണ് ഓയിൽ നീക്കം ചെയ്തത്.

സ്കൂൾ കോമ്പൗണ്ടിൽ തീപിടുത്തം
അതിനിടെ, ആറാട്ടുതറ എച്ച്എസ്എസ് സ്കൂൾ കോമ്പൗണ്ടിൽ കൂട്ടിയിട്ട മരത്തടികൾക്ക് തീപിടിച്ചു. പ്രദേശവാസികൾ വിവരം അറിയിച്ചതിനെ തുടർന്ന് മാനന്തവാടി അഗ്നിരക്ഷാസേനയുടെ ഒരു യൂണിറ്റ് സ്ഥലത്തെത്തി തീ നിയന്ത്രണവിധേയമാക്കി.

സ്റ്റേഷൻ ഓഫീസർ പി.കെ. ഭരതന്റെ നേതൃത്വത്തിൽ സീനിയർ ഫയർ റെസ്ക്യൂ ഓഫീസർ പ്രഭാകരൻ, ഫയർ റെസ്ക്യൂ ഓഫീസർമാരായ എം.പി. ബിനു, പി.കെ. രാജേഷ്, രൂപേഷ്, രഘു എന്നിവരടങ്ങിയ സംഘമാണ് തീയണച്ചത്.

An oil spill on the road at Periya Pass caused bikes to skid, leading to an accident. Two riders were affected. The fire and rescue team, alerted by locals, cleared the oil and restored traffic. Authorities suspect the spill was from a cargo truck.