ദോഹ: പെരുന്നാള്‍ പണം പിന്‍വലിക്കാനായി ഈദിയ എ.ടി.എം സേവനം ആരംഭിച്ച് ഖത്തര്‍ സെന്‍ട്രല്‍ ബാങ്ക്. ഇന്നു മുതല്‍ രാജ്യത്തിന്റെ വിവിധ ഭാഗങ്ങളില്‍ ഈദിയ എ.ടി.എമ്മുകള്‍ പ്രവര്‍ത്തിച്ചു തുടങ്ങും. മാര്‍ച്ച് 16 ഞായറാഴ്ച മുതല്‍ ഈദിയ എടിഎം സേവനം ലഭ്യമാകുമെന്ന് ഖത്തര്‍ സെന്‍ട്രല്‍ ബാങ്ക് (ക്യുസിബി) ഇന്നലെ അറിയിച്ചു.

ഈദിയ എടിഎമ്മുകള്‍ വഴി ഉപയോക്താക്കള്‍ക്ക് 5,10,50,100 എന്നീ കറന്‍സി നോട്ടുകള്‍ പിന്‍വലിക്കാം.

മിര്‍ഖാബ് മാള്‍, പ്ലേസ് വെന്‍ഡോം മാള്‍, മാള്‍ ഓഫ് ഖത്തര്‍, അല്‍ വക്ര ഓള്‍ഡ് സൂഖ്, ദോഹ ഫെസ്റ്റിവല്‍ സിറ്റി, അല്‍ ഹസം മാള്‍, അല്‍ ഖോര്‍ മാള്‍, അല്‍ മീര  അല്‍ തുമാമ, അല്‍ മീര മുഐതര്‍, ദോഹ വെസ്റ്റ് വാക്ക് എന്നിങ്ങനെ പത്ത് വ്യത്യസ്ത സ്ഥലങ്ങളിലാണ് ഈദിയ എടിഎമ്മുകള്‍ സ്ഥാപിച്ചിരിക്കുന്നത്.

Eid money can be withdrawn through Eidiya ATM; service starts today