കൊല്ലം: ഉളിയക്കോവിലിൽ കോളജ് വിദ്യാർത്ഥിയെ വീട്ടിൽ കയറി കുത്തിക്കൊന്നു. ഫാത്തിമ മാതാ കോളജിലെ രണ്ടാം വർഷ ബിബിഎ വിദ്യാർത്ഥി ഫെബിൻ ജോർജ് ഗോമസ് (21) ആണ് കൊല്ലപ്പെട്ടത്.കാറിലെത്തിയ മുഖംമൂടി ധരിച്ച അക്രമികൾ ഫെബിനെ കുത്തുകയായിരുന്നു.
സംഭവം രാത്രി 7 മണിയോടെയാണ് നടന്നത്.കഴുത്ത്, വാരിയെല്ല്, കൈ എന്നിവിടങ്ങളിൽ ഗുരുതരമായ കുത്തേറ്റ് ഫെബിൻ ആശുപത്രിയിൽ പ്രവേശിപ്പിച്ചെങ്കിലും അവിടെ വെച്ച് മരണപ്പെടുകയായിരുന്നു.

ഫെബിനെ കുത്തിയ പ്രതിയായ തേജസ് രാജ് (24) ആക്രമണത്തിന് ശേഷം രക്ഷപ്പെട്ടുവെങ്കിലും.പിന്നീട് കടപ്പാക്കട റെയിൽവേ ട്രാക്കിൽ ട്രെയിനിന് മുന്നിൽ ചാടി ജീവനൊടുക്കി.KL 29 H 1628 നമ്പറുള്ള കാർ, പ്രതി ഉപയോഗിച്ചതായി പോലീസ് കണ്ടെത്തി.
ഫെബിന്റെ അച്ഛനും പരിക്കേറ്റ് ആശുപത്രിയിൽ ചികിത്സയിലാണ്.ആക്രമണം തടയാൻ ശ്രമിച്ച പിതാവ് ഗോമസിനും കുത്തേറ്റിരുന്നു.വാരിയെല്ലിലും കൈയിലും ഗുരുതരമായി പരിക്കേറ്റ ഗോമസ് ആശുപത്രിയിൽ ചികിത്സയിലാണ്.വെള്ള വാഗണർ കാറിലെത്തിയ അക്രമിയാണ് കൊലപാതകം നടത്തിയതെന്ന് നാട്ടുകാർ മൊഴി നൽകിയിട്ടുണ്ട്.സംഭവത്തിന്റ് കാരണം ഇതുവരെ വ്യക്തമല്ല.കൂടുതൽ വിവരങ്ങൾക്കായി അന്വേഷണം തുടരുകയാണ്.