മുംബൈ: വിമാനത്താവളത്തിലെ ശുചിമുറിയിൽ നിന്നും നവജാത ശിശുവിന്റെ മൃതദേഹം കണ്ടെത്തിയതിനെ തുടർന്ന്, യാത്രക്കാരുടെ വിവരങ്ങൾ പരിശോധിച്ച് മുംബൈ പോലീസ് അന്വേഷണം ആരംഭിച്ചു. കുഞ്ഞ് ജനിച്ച ഉടനെ കൊലപ്പെടുത്തിയിരിക്കാമെന്ന നിഗമനത്തിലാണ് അന്വേഷണം സംഘം. ഇന്നലെ രാത്രി 10:30-ന് ശുചിമുറികൾ വൃത്തിയാക്കാൻ എത്തിയ ജീവനക്കാരാണ് കുഞ്ഞിന്റേ മൃതദേഹം കണ്ടത്.

ശുചിമുറിയിലെ ഡസ്ബിനിൽ ഉപേക്ഷിച്ച നിലയിലായിരുന്നു മൃതദേഹം. വിമാനത്താവള സുരക്ഷാ വിഭാഗം ഉടൻ തന്നെ സഹാർ റോഡ് പോലീസിനെ വിവരം നൽകി. കുഞ്ഞിനെ പുറത്തെടുത്ത് അടുത്ത സ്വകാര്യ ആശുപത്രിയിലേക്ക് കൊണ്ടുപോയെങ്കിലും കുട്ടി മരിച്ചിരുന്നു, , ജനിച്ച് അധിക ദിവസം ആകാത്ത കുഞ്ഞെന്നാണ് ഡോക്ടർമാർ പൊലീസിന് നൽകിയിരിക്കുന്ന റിപ്പോർട്ട്.

കുഞ്ഞിന്റേ മൃതദേഹം ഉപേക്ഷിച്ചത് വിമാനത്തിൽ യാത്ര ചെയ്തവരോ യാത്ര ചെയ്യാനായി വിമാനത്താവളത്തിൽ എത്തിയവരോ ആണ് എന്നാണ് അന്വേഷണസംഘത്തിന്റെ പ്രാഥമിക നിഗമനം.  നിലവിൽ യാത്രക്കാരുടെയും വിമാനത്തിലേക്ക് പ്രവേശിച്ചവരുടെയും വിവരങ്ങൾ പരിശോധനയിൽ ഉൾപ്പെടുത്തിയിരിക്കുകയാണ്. കൂടാതെ, ടോയ്ലറ്റിൽ പ്രവേശിച്ചവരുടെയും സിസിടിവി ദൃശ്യങ്ങളും പരിശോധിക്കപ്പെടുന്നുണ്ട്.

Newborn baby's body found in an airport toilet. Police are now collecting passenger details as part of the investigation.