ലക്‌നൗ: ആര്‍എസ്എസ് വിദേശ ഫണ്ട് സ്വീകരിക്കുന്നില്ലെന്ന അവകാശവാദവുമായി ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്. വിദേശ സഹായമില്ലാതെ സമൂഹത്തിന്റെ പിന്തുണയില്‍ മാത്രം പ്രവര്‍ത്തിക്കുന്ന സംഘടനയാണ് ആര്‍എസ്എസ് എന്നും, സേവന മനോഭാവത്തോടെയാണ് പ്രവര്‍ത്തിക്കുന്നതെന്നും ആദിത്യനാഥ് പറഞ്ഞു. ഗീത പ്രേരണ മഹോത്സവ് ചടങ്ങിലാണ് യോഗിയുടെ പരാമര്‍ശം. 

' ആര്‍എസ്എസ് എങ്ങനെയാണ് ഫണ്ട് കണ്ടെത്തി പ്രവര്‍ത്തിക്കുന്നതെന്ന് വിദേശ നയന്ത്ര പ്രതിനിധികള്‍ പലപ്പോഴും ചോദിച്ചിട്ടുണ്ട്. ഒപെക് രാജ്യങ്ങളുടെയോ അന്താരാഷ്ട്ര ചര്‍ച്ചുകളുടെയോ ഫണ്ട് ആര്‍എസ്എസിന് ലഭിക്കുന്നില്ല. സമൂഹത്തിന്റെ ശക്തിയില്‍ നിലകൊള്ളുന്ന സംഘടനയാണിത്. സേവന മനോഭാവത്തോടെയാണ് പ്രവര്‍ത്തിക്കുന്നത്,' യോഗി ആദിത്യനാഥ് പറഞ്ഞു. 

ആര്‍എസ്എസിന്റെ പ്രവര്‍ത്തനങ്ങളെക്കുറിച്ച് ദുരൂഹത നിലനില്‍ക്കുന്നുണ്ട്. നേരത്തെ പല പ്രമുഖരും ആര്‍എസ്എസിന്റെ പ്രവര്‍ത്തന ശൈലിയെയും, സംഘടന പ്രവര്‍ത്തനങ്ങള്‍ക്ക് ലഭിക്കുന്ന പണത്തെയും കുറിച്ച് സംശയങ്ങള്‍ പ്രകടിപ്പിച്ചിട്ടുണ്ട്. ആര്‍എസ്എസിന്റെ പാര്‍ട്ടി ഓഫീസ് നിര്‍മിക്കുന്നതിന് ലഭിക്കുന്ന പണത്തിന്റെ ഉറവിടത്തെക്കുറിച്ച് കര്‍ണാടക ഗ്രാമ വികസന പഞ്ചായത്ത് രാജ് മന്ത്രി പ്രിയങ്ക് ഖാര്‍ഗെ രംഗത്തെത്തിയിരുന്നു. 300 മുതല്‍ 400 കോടിവരെയുള്ള കെട്ടിടങ്ങള്‍ നിര്‍മിക്കാന്‍ എവിടെ നിന്നാണ് പണം ലഭിക്കുന്നതെന്ന് അദ്ദേഹം ചോദിച്ചിരുന്നു. 

ALSO READ: എസ്.ഐ.ആര്‍; ഇതുവരെ ഡിജിറ്റൈസേഷന്‍ ചെയ്ത ഫോമുകള്‍ 51,38,838; കളക്ഷന്‍ ഹബ്ബുകളുടെ പ്രവര്‍ത്തനം തുടരും; മുഖ്യ തെരഞ്ഞെടുപ്പ് ഓഫീസര്‍ 

yogi adityanath stated that the rss operates only with public support and takes no foreign funding, emphasizing its service-oriented approach during the geeta prerana mahotsav.