ഗള്‍ഫിന് പുറത്ത് വിദേശത്ത് കരിയര്‍ ആഗ്രഹിക്കുന്നവര്‍ ആദ്യം പ്രിഫര്‍ ചെയ്യുന്ന രാജ്യങ്ങളിലൊന്നാണ് ന്യുസിലാന്‍ഡ്. കാനഡയുമായുള്ള ഇന്ത്യയുടെ നയതന്ത്രബന്ധത്തില്‍ വിള്ളല്‍ വീണസാഹചര്യത്തില്‍ പ്രത്യേകിച്ചും. പ്രധാന പഠന കേന്ദ്രങ്ങള്‍ വിസ മാനദണ്ഡങ്ങള്‍ കര്‍ശനമാക്കുകയും ട്യൂഷന്‍ ഫീസ് ഉയര്‍ത്തുകയും ചെയ്യുന്നതിനാല്‍ ഇന്ത്യന്‍ വിദ്യാര്‍ത്ഥികള്‍ക്ക് പുതിയ ബദലായി ന്യൂസിലന്‍ഡ് ഉയര്‍ന്നുവരുന്നുമുണ്ട്. ഈ അനുകൂലസാഹചര്യത്തില്‍ ഇന്ത്യന്‍ വിദ്യാര്‍ഥികളെ ആകര്‍ഷിപ്പിക്കാനായി ന്യൂസിലന്‍ഡ് വിവിധ പദ്ധതികളും പ്രഖ്യാപിച്ചിട്ടുണ്ട്. ന്യൂസിലാന്‍ഡ് എക്‌സലന്‍സ് അവാര്‍ഡുകള്‍ (NZEA) 2025 ആണ് ഈ രംഗത്തെ ഏറ്റവും ഒടുവിലത്തെ പദ്ധതി. ഇതുപ്രകാരം 260,000 ന്യുസലാന്‍ഡ് ഡോളര്‍ ഭാഗിക സ്‌കോളര്‍ഷിപ്പ് പാക്കേജ് ആണ് അവതരിപ്പിച്ചത്. 

2019ല്‍ കോവിഡ് വ്യാപിക്കുമ്പോള്‍ ഈ മേഖലയില്‍ 120,000 വിദ്യാര്‍ത്ഥികളുണ്ടായിരുന്നു. കോവിഡ് അടങ്ങിയതോടെ ഇത് 2021 ല്‍ 50,000 ആയി കുറഞ്ഞു. എന്നിരുന്നാലും, 2024 അവസാനത്തോടെ 95,000നും 100,000 നും ഇടയ്ക്ക് വിദ്യാര്‍ത്ഥികളായി. ന്യൂസിലാന്‍ഡിന്റെ സമ്പദ്‌വ്യവസ്ഥയില്‍ അന്താരാഷ്ട്ര വിദ്യാര്‍ത്ഥികളുടെ ഒഴുക്ക് നിര്‍ണായക പങ്ക് വഹിക്കുന്നുണ്ട്. 2019 ല്‍ ഈ മേഖലയില്‍ 5.1 ബില്യണ്‍ ഡോളര്‍ ആണ് സംഭാവന ചെയ്തത്. കോവിഡ് സമയത്ത് ഈ കണക്ക് കുറഞ്ഞെങ്കിലും, 2024 ല്‍ ഇത് 4.5 ബില്യണ്‍ ഡോളറില്‍ തിരിച്ചെത്തി. മേഖലയിലെ മന്ദഗതിയില്‍നിന്നുള്ള തിരിച്ചുവരവാണ് ഇത് സൂചിപ്പിക്കുന്നത്. 
ഓസ്‌ട്രേലിയയിലും ന്യൂസിലന്‍ഡിലും 2030 വരെ സുസ്ഥിരമായ വളര്‍ച്ചയാണ് പ്രവചിക്കപ്പെടുന്നത്. 2025 ആകുമ്പോഴേക്കും ഓസ്‌ട്രേലിയയിലെ ഇന്ത്യന്‍ വിദ്യാര്‍ത്ഥികളുടെ എണ്ണം 101,552 കവിയുമെന്ന് പ്രതീക്ഷിക്കുമ്പോള്‍, ന്യൂസിലന്‍ഡ് 22,225 ഇന്ത്യന്‍ വിദ്യാര്‍ത്ഥികളെ സ്വീകരിക്കുമെന്ന് പ്രതീക്ഷിക്കുന്നു.

എന്തുകൊണ്ട് ന്യൂസിലാന്‍ഡില്‍ കരിയര്‍?

യുഎസ്, യുകെ, ഓസ്‌ട്രേലിയ തുടങ്ങിയ രാജ്യങ്ങളുമായി താരതമ്യപ്പെടുത്തുമ്പോള്‍ ന്യൂസിലാന്‍ഡിലേത് ഇന്ത്യക്കാര്‍ക്ക് താങ്ങാനാവുന്ന പഠന അന്തരീക്ഷമാണ്. അമിതമായ സാമ്പത്തിക ഭാരമില്ലാതെ ഉയര്‍ന്ന നിലവാരമുള്ള വിദ്യാഭ്യാസം തേടുന്ന ഇന്ത്യന്‍ വിദ്യാര്‍ത്ഥികള്‍ക്ക് കുറഞ്ഞ ട്യൂഷന്‍ ഫീസും ജീവിതച്ചെലവുമാണ് രാജ്യത്തെ ആകര്‍ഷകമാക്കുന്നത്. ഇന്ത്യന്‍ വിദ്യാര്‍ത്ഥികളെ ആകര്‍ഷിക്കുന്ന മറ്റൊരു പ്രധാന കാര്യം ന്യൂസിലന്‍ഡിന്റെ വിദ്യാര്‍ത്ഥി സൗഹൃദ വിസ നയങ്ങളും പഠനാനന്തര തൊഴില്‍ അവസരങ്ങളുമാണ്. അന്താരാഷ്ട്ര വിദ്യാര്‍ത്ഥി പ്രവേശനത്തിന് പരിധി ഏര്‍പ്പെടുത്തിയ കാനഡ, ഓസ്‌ട്രേലിയ എന്നിവയില്‍ നിന്ന് വ്യത്യസ്തമായി ബിരുദാനന്തര ബിരുദാനന്തര തൊഴില്‍ അവകാശങ്ങള്‍ വാഗ്ദാനം ചെയ്ത് ന്യൂസിലന്‍ഡ് നൈപുണ്യ കുടിയേറ്റത്തെ പ്രോത്സാഹിപ്പിക്കുന്ന നയമാണ് പിന്തുടരുന്നത്.
ലോകത്തിലെ ഏറ്റവും മികച്ച പഠന കേന്ദ്രങ്ങളിലൊന്നായി ന്യൂസിലാന്‍ഡിനെ മാറ്റുന്ന ചില കാര്യങ്ങള്‍ ഇതാ.

* സ്‌കോളര്‍ഷിപ്പുകളും സാമ്പത്തിക സഹായവും
* ആഗോളതലത്തില്‍ അംഗീകരിക്കപ്പെട്ട വിദ്യാഭ്യാസ സമ്പ്രദായം
* വൈവിധ്യമാര്‍ന്ന പഠന ഓപ്ഷനുകള്‍
* ഫ്‌ളെക്‌സിബിള്‍ പഠനവഴികള്‍ 
* ശക്തമായ ഗവേഷണരംഗം
* ലോകോത്തര സ്ഥാപനങ്ങള്‍
* ജോലി അവസരങ്ങള്‍ക്കുള്ള കൂടിയ സാധ്യത
* പഠനാനന്തര ജോലി ഓപ്ഷനുകള്‍
* ഉയര്‍ന്ന ജീവിത നിലവാരം
* സുരക്ഷിതവും വൈവിധ്യവുമായ പരിസ്ഥിതി

Auckland university of technology

 

ഇന്ത്യന്‍ വിദ്യാര്‍ത്ഥികള്‍ക്കുള്ള ട്യൂഷന്‍ ഫീസ്

ന്യൂസിലാന്‍ഡിലെ സര്‍വകലാശാലകള്‍ എഞ്ചിനീയറിംഗ്, നഴ്‌സിംഗ് എന്നിവയുള്‍പ്പെടെ നിരവധി പ്രൊഫഷണല്‍ കോഴ്‌സുകള്‍ ആണ് വാഗ്ദാനംചെയ്യുന്നത്. എഞ്ചിനീയറിംഗിലെ ബിരുദ (യുജി) പ്രോഗ്രാമിന്റെ ട്യൂഷന്‍ ഫീസ് 8,372 ഡോളര്‍ (7,17,300 രൂപ) മുതല്‍ 10,648 ഡോളര്‍ (9,12,200 രൂപ) വരെയാണ്.
അതേസമയം നഴ്‌സിംഗ് കോഴ്‌സുകളുടെ ചെലവ് 8,011 ഡോളര്‍ (6,86,300 രൂപ) മുതല്‍ 10,650 ഡോളര്‍ (9,12,500 രൂപ) വരെയാണ്.

പിജി കോഴ്‌സുകള്‍ക്ക് മാസ്റ്റര്‍ ഇന്‍ ബിസിനസ് അഡ്മിനിസ്‌ട്രേഷന്‍ (എംബിഎ) ഉള്ളപ്പോള്‍ ട്യൂഷന്‍ ഫീസ് 30,131 ഡോളര്‍ (25,81,300 രൂപ) കൂടുതലാണ്. എഞ്ചിനീയറിംഗ്, ആര്‍ക്കിടെക്ചര്‍ പ്രോഗ്രാമുകള്‍ക്ക് 10,000 ഡോളറില്‍ കൂടുതല്‍ (8,56,700 രൂപ) ആണ്.

ന്യൂസിലന്‍ഡിലെ മികച്ച സര്‍വകലാശാലകള്‍

ഗവേഷണം, നവീകരണം, അക്കാദമിക് മികവ് എന്നിവയ്ക്ക് പേരുകേട്ടതാണ് ന്യൂസിലന്‍ഡിലെ സര്‍വകലാശാലകള്‍. ഈ സ്ഥാപനങ്ങള്‍ യുജി, പിജി, ഡോക്ടറല്‍ തലത്തിലുള്ള കോഴ്‌സുകളില്‍ വിവിധ പ്രോഗ്രാമുകള്‍ വാഗ്ദാനംചെയ്യുന്നു. 

മികച്ച സര്‍വകലാശാലകളുടെ പട്ടിക

    University of Auckland
    University of Otago
    Massey University
    Victoria University of Wellington
    University of Waikato
    University of Canterbury
    Linkcoln University
    Auckland University of Technology

Victoria University of Wellington

 

പുതിയ സ്‌കോളര്‍ഷിപ്പുകള്‍

ഇന്ത്യന്‍ വിദ്യാര്‍ത്ഥികളെ കൂടുതല്‍ പ്രോത്സാഹിപ്പിക്കുന്നതിനായി ഉയര്‍ന്ന വിജയം നേടുന്ന അപേക്ഷകര്‍ക്കായി ന്യൂസിലന്‍ഡ് 10,000 ഡോളര്‍ സ്‌കോളര്‍ഷിപ്പുകള്‍ ആണ് അവതരിപ്പിച്ചത്. ആകെ 13 ദശലക്ഷം രൂപയുടെ സ്‌കോളര്‍ഷിപ്പുകളാണ് ഇന്ത്യന്‍ വിദ്യാര്‍ഥികളെ കാത്തിരിക്കുന്നത്. പ്രധാന മേഖലകളിലെ നൈപുണ്യമുള്ള പ്രതിഭകളെ ആകര്‍ഷിക്കുന്നതിനും തൊഴില്‍ ശക്തി ശക്തിപ്പെടുത്തുന്നതിനുമുള്ള രാജ്യത്തിന്റെ വിശാലമായ നീക്കത്തിന്റെ ഭാഗമായാണ് ഈ പദ്ധതി.
ഹെല്‍ത്ത്, ഐടി, എഞ്ചിനീയറിംഗ് തുടങ്ങിയ രംഗത്താണ് കൂടുതല്‍ ഒഴിവുകളുള്ളത്. ഇത് ബിരുദധാരികള്‍ക്ക് തൊഴില്‍ ഉറപ്പാക്കാനും ദീര്‍ഘകാല കരിയര്‍ സാധ്യതകള്‍ ഉറപ്പാക്കാനും എളുപ്പമാക്കുന്നു.

ആര്‍ക്കൊക്കെ അപേക്ഷിക്കാം

* കുറഞ്ഞത് 18 വയസ്സ് പ്രായമുണ്ടായിരിക്കണം.
* ഇന്ത്യന്‍ പൗരത്വം ഉണ്ടായിരിക്കുകയും ഇന്ത്യയില്‍ താമസിക്കുകയും വേണം.
* ന്യൂസിലാന്‍ഡിലോ ഓസ്‌ട്രേലിയയിലോ പൗരനോ സ്ഥിര താമസക്കാരനോ ആകാന്‍ പാടില്ല.
* ന്യൂസിലാന്‍ഡിന്റെ സ്റ്റുഡന്റ് വിസ വ്യവസ്ഥകള്‍ പാലിക്കണം.
* യോഗ്യതയുള്ള കോഴ്‌സിന് ന്യൂസിലാന്‍ഡ് സര്‍വകലാശാലയില്‍ നിന്ന് നിരുപാധിക ഓഫര്‍ ഉണ്ടായിരിക്കണം.
* അപേക്ഷകര്‍ അവരുടെ വെബ്‌സൈറ്റുകളില്‍ വ്യക്തിഗത സര്‍വകലാശാലാ ആവശ്യകതകള്‍ അവലോകനം ചെയ്യണം. 
* അപേക്ഷിക്കാനുള്ള അവസാന തീയതി 2025 ഏപ്രില്‍ 30 ആണ്.

New Zealand eyes Indian students with scholarships, easier visas & work rights