പൂക്കോട്ടുംപാടം: കേരള വ്യാപാരി വ്യവസായി ഏകോപന ജില്ലാ സെക്രട്ടറിയായിരുന്ന ഉമ്മര്‍ഖാന്റെ സ്മരണ്ക്കായി അമരമ്പലം യൂനിറ്റ് കമ്മിറ്റിയുടെ ഈ വര്‍ഷത്തെ ഉമ്മര്‍ഖാന്‍ സേവന പുരസ്‌കാര സമര്‍പ്പണവും ഓണക്കോടി വിതരണവും നടന്നു. പ്രതിഭകളെ ആദരിക്കാനും സാമൂഹ്യ, സേവന പ്രവര്‍ത്തനങ്ങളെ പ്രോത്‌സാഹിപ്പിക്കാനുമാണ് സംഘടന വര്‍ഷംതോറും പുരസ്‌കാരം ഏര്‍പ്പെടുത്തിയിട്ടുള്ളത്.
ഈ വര്‍ഷം നിര്‍ധന വിദ്യാര്‍ത്ഥിയുടെ അഞ്ച് വര്‍ഷത്തെ എം.ബി.ബി.എസ് പഠന ചിലവിനാണ് പുരസ്‌കാര തുക നല്‍കിയത്. പൂക്കോട്ടുംപാടം വ്യാപാരഭവനില്‍ നടന്ന പരിപാടി പി.വി അന്‍വര്‍ എം.എല്‍.എ ഉദ്ഘാടനം ചെയ്തു.
ജില്ലാ പ്രസിഡന്റ് പി. കുഞ്ഞാവു ഹാജി അധ്യക്ഷത വഹിച്ചു. പഞ്ചായത്തിലെ നിര്‍ധനരായ 1000 കുടുംബങ്ങള്‍ക്കുള്ള ഓണക്കോടി വിതരണം അമരമ്പലം ഗ്രാമപഞ്ചായത്ത് പ്രസിഡന്റ് സി. സുജാതയും,
താലൂക്കിലെ കാഴ്ചവൈകല്ല്യമുള്ളവര്‍ക്കായി പ്രവര്‍ത്തിക്കുന്ന ബ്ലൈന്റ് ഫെഡറേഷനുള്ള ഓണക്കോടിയുടെ വിതരണം ഈറോഡ്  റാംസണ്‍സ് മാനേജിഗ് ഡയറക്ടര്‍ ആര്‍. വേണുഗോപാലും നിര്‍വഹിച്ചു.
നിര്‍മ്മല്‍ ഭവന്‍ ഓണക്കോടി വിതരണം ബി.എസ്. ബാബുവും, ട്രേഡ്‌കോ ഗാര്‍മെന്റ്‌സ് ഓണക്കോടി വിതരണം ടി.എം. പത്മകുമാറും, പഠന സഹായ വിതരണം വില്ലേജ് ഓഫിസര്‍ വി.ബി. ബിനുവും, വിവാഹ ധനസഹായ വിതരണം പഞ്ചായത്ത് സെക്രട്ടറി കെ. അശോകനും നിര്‍വഹിച്ചു. കെ.വി.വി.എസ് ജില്ലാ സെക്രട്ടറി വിനോദ്.പി. മേനോന്‍, മണ്ഡലം പ്രസിഡന്റ് ഹക്കീം ചങ്കരത്ത്, ജനറല്‍ സെക്രട്ടറി ടോമി ചെഞ്ചേരി, എം.കുഞ്ഞിമുഹമ്മദ്, എന്‍. അബ്ദുല്‍ മജീദ്, ടി.കെ. മുകുന്ദന്‍, എം.അബ്ദുല്‍ നാസര്‍, കെ അലി, പി ഇസ്ഹാഖ്, എന്നിവര്‍ പ്രസംഗിച്ചു.